Tags-Dil

dozaḳh mujhe bahisht ke badle qubūl hai
aisā huuñ ek hūr-shamā.il se dil uchāT

jhankār se maiñ chār-qadam aage jā.ūñgā
zindān meñ huā jo salāsil se dil uchāT

majnūñ kī chaal lailā agar do-qadam chale
tābūt dil-pasand ho mahmil se dil uchāT

qātil hamāre dil ko taḌaptā na chhoḌ jā
ik dam ke vāste na ho bismil se dil uchāT

ai 'mus.hafī' dil kahīñ na diije
hotī hai burī ye chaah zālim

kaash ho jaa.e tirī āñkhoñ pe ḳhvāboñ kā nuzūl
kaash ho jaa.e tirā dil bhī tamannā-āshnā

vahshat-e-dil ko kis ne sambhālā diyā
ye junūñ kam se kam kis ke hone se hai

ulfat ko miTāne ke dar pe duniyā aur maiñ is soch meñ huuñ
ulfat na rahegī jab baaqī ḳhvāb-e-dil-e-insāñ kyā hogā

maiñ duur bhī tum se jī lūñgā tum mere liye kuchh ġham na karo
maanā ki pareshāñ dil hogā aisā bhī pareshāñ kyā hogā

husn-e-takmīl-e-tamannā hai sabā ho jaanā
shahr-dar-shahr har ik dil kī ravā ho jaanā

khetiyāñ suukh ga.iiñ ḳhushk hue dil ke nagar
bāvar aayā hameñ paanī kā havā ho jaanā

dāman-e-dil ai nasīm-e-gulshan-e-jannat na khīñch
lag gayā hai jī hamārā is ḳharāb-ābād meñ

kuchh is tarah dil se ishq us kā nikālnā hai
baġhair gullak ko toḌe sikka nikālnā hai

kab vo guzre qarīb se dil ke
niind kab aa ga.ī nahīñ mālūm

sab ke jī meñ ye naala ho guzrā
ek tere hī dil meñ raah na kī

mohabbat se jo ḳhālī ho vo dil be-kār hotā hai
ḳhalā meñ jā.iye bait-ul-ḳhalā meñ kuchh nahīñ rakkhā

ab koī choT lag bhī jaa.e to kyā
dil meñ ab zaḳhm kī jagah hī nahīñ

be-ḳhudī le uḌī havās kahīñ
hai koī dil ke ās-pās kahīñ

sabr hī aa.e ab qarār to kyā
TuuT hī jaa.e dil kī aas kahīñ

'saif' ḳhūn-e-jigar paḌā piinā
aise bujhtī hai dil kī pyaas kahīñ