Tags-Dil

abhī se shauq kī āzurdagī kā rañj na kar
ki dil ko taab ḳhushī kī na thī malāl kī hai

guzishta raat ka.ī baar dil ne ham se kahā
ki ho na ho ye ghuTan āḳhirī malāl kī hai

aish kī jānib jo maa.il kuchh tabī.at ho ga.ī
dil pe ġhussa aa gayā apne se nafrat ho ga.ī

aa.ī jab stage par duniyā to dil ḳhush ho gayā
jab uThā anjām kā parda to nafrat ho ga.ī

jazba-e-dil ko amal meñ kabhī laao to sahī
apnī manzil kī taraf paañv baḌhāo to sahī

zindagī vo jo harīf-e-ġham-e-ayyām rahe
dil shikasta hai to kyā saaz uThāo to sahī

tumheñ ābād nazar aa.egī ujḌī duniyā
dil kī duniyā ko mohabbat se basāo to sahī

karte phirte ho añdhere kī shikāyat 'darshan'
dil kī duniyā meñ koī diip jalāo to sahī

kaun ''bele'' meñ dil-e-zār ko bahalā.egā
kaun degā mirī aahoñ ko amaañ tere ba.ad

dikhtī haDDiyāñ kahtī hai ārām karo ab
dil kahtā hai abhī nahīñ abhī to kaam paḌā hai sab

vo mast-e-hāl hai 'vasfī' ki us ko
ġham-e-dil hai ġham-e-daurāñ nahīñ hai

na vo va.ada-e-sar-e-rāh hai na vo dostī na nibāh hai
na vo dil-farebī ke haiñ chalan na vo pyārī pyārī nigāh hai

thī nigāh pahle to us kī vuuñ kahīñ dostī meñ huā hai yuuñ
diyā us ne dil kahīñ aur kyuuñ yahī 'mus.hafī' kā gunāh hai

ḳhud-faroshī husn ko jab se huī madd-e-nazar
nirḳh-e-dil bhī ghaT gayā jāneñ bhī arzāñ ho ga.iiñ

ik farishte bhī to haiñ jin ko na mehnat hai na rañj
ḳhvāhisheñ dil kī balā-e-jān-e-insāñ ho ga.iiñ

chain ho jā.egā dil ko mire az-rāh-e-karam
merī āñkhoñ pe rakhoge jo qadam kyā hogā

ḳhushnumā dā.ere bante hī chale jaate haiñ
dil ke tālāb meñ pheñkā hai ye kañkar kis ne

liije hāzir hai chiiz kyā hai dil
ġhussa is vāste jo mujh par ho

ye mohabbat kā vaar hai sāhab
dil baḌā sogvār hai sāhab

kyuuñ mirā dil ḳhizāñ-rasīda hai
har taraf to bahār hai sāhab