Tags-Dil

tirī duniyā se shāyad bhar chukā hai merā dil 'sāhil'
yahāñ kā āb-o-dāna ab mujhe achchhā nahīñ lagtā

dil naame ke shak le purze kiyā ai vaa.e nasībe kā ye likhā
peshānī par un kī mohr nahīñ sar-nāme pe merā naam nahīñ

āgāh kiyā hai dil ko hamāre kis ne tumhārī ḳhūbiyoñ se
insāf karo munsif ho tumhīñ phir kyā hai jo ye ilhām nahīñ

dil dete hī un ko ghulne lage nazroñ meñ ajal ke tulne lage
āġhāz-e-mohabbat se ye khulā chāhat kā ba-ḳhair anjām nahīñ

jab tak ye mohabbat meñ badnām nahīñ hotā
is dil ke ta.iiñ hargiz ārām nahīñ hotā

tauf-e-dil chhoḌ jaa.e ka.aba ko
bas-ki fitrat meñ terī pastī hai

terī to jaan mere maz.hab meñ
dil-parastī ḳhudā-parastī hai

dil ne tamannā kī thī jis kī barsoñ tak
aise zaḳhm ko achchhā kar ke baiTh ga.e

koī dil jahāñ banā hai ġham-e-ishq kā nishāna
vahīñ raas aa ga.ī hai use gardish-e-zamāna

mirī shā.irī meñ pinhāñ mire dil kī dhaḌkaneñ haiñ
mirī har ġhazal hai goyā ġham-e-ishq kā fasāna

ye hai nāz-e-shauq insāñ ki rasā.ī hai falak tak
mire dard-e-dil ko lekin na samajh sakā zamāna

kartā hai vahī dil meñ 'rasā' ke jo Thanī hai
samjhāne ko samjhāte haiñ sab apne parā.e

gar tujh meñ hai vafā to jafākār kaun hai
dil-dār tū huā to dil-āzār kaun hai

qayāmat hai jo aise par dil-e-ummīd-vār aa.e
jise va.ade se nafrat ho jise milne se aar aa.e

miTā duuñ apnī hastī ḳhaak kar duuñ apne-āpe ko
mirī bātoñ se gar dushman ke bhī dil meñ ġhubār aa.e

zindagī guzrī abhī is aag ke girdāb meñ
dil se kyuuñ jaane lagī hirs-lab-o-ruḳhsār abhī

haañ ye sach hai sar-ba-sar kho.e ga.e haiñ aql-o-hosh
dil meñ dhaḌkan hai abhī dil to hai ḳhud-muḳhtār abhī

guzar kar ḳhāna-e-dil se baḌhūñ kyuuñ tuur kī jānib
ki barq-e-husn se jalne ko hai maujūd ghar merā

dil-e-majrūh kī hālat pe rahm aayā masīhā ko
davā ke naam par hañsne lagā zaḳhm-e-jigar merā

mayassar hai har-dil-azīzī use
muravvat bhī us kī dikhāne ko hai