Tags-Dil

bhuul shāyad bahut baḌī kar lī
dil ne duniyā se dostī kar lī

iqrār hai ki dil se tumheñ chāhte haiñ ham
kuchh is gunāh kī bhī sazā hai tumhāre paas

laboñ pe ḳhair tabassum bikhar bikhar hī gayā
ye aur baat ki hañsne ko dil tarastā thā

maiñ ek dard sahī phir bhī miT nahīñ saktā
sabab ye hai ki dil-e-chāra-gar meñ rahtā huuñ

chhup ke ġhairoñ se dil meñ aa jaanā
ai sanam ruḳh mujhe dikhā jaanā

dil meñ rahtā hai us ke naqsh-e-sanam
shaiḳh ko ham ne pārsā jaanā

ġhair mumkin hai daḳhl-e-ġhair is meñ
dil ko jab ḳhāna-e-ḳhudā jaanā

kyā batā.ūñ tujhe 'jamīla' maiñ
āfat-e-jāñ hai dil kā aa jaanā

hamesha tamannā-o-hasrat kā jhagḌā hamesha vafā-o-mohabbat kā hullaḌ
thame kyā tabī.at ruke kis tarah dil ye aafat vo fitna ye āñdhī vo jhakkaḌ

mire dil ke hāthoñ se bahr-e-vafā meñ mirī zindagī meñ na ho jaa.e gaḌbaḌ
kabhī kasrat-e-rañj-o-ġham kā thapeḌā kabhī josh-e-ummīd-o-hasrat kī ojhaḌ

bashar kyā farishte jo pīTeñ DhiñDhorā to kyuuñ kar chhupe raaz kam-baḳht dil kā
idhar aah niklī hamārī zabāñ se udhar mach gayā saarī duniyā meñ hullaḌ

mohabbat ne chhoḌā ye turfa shagūfa bahār-e-javānī bhī dil ne na dekhī
abhī phūlne-phalne ke din kahāñ the magar kaT ga.ī naḳhl-e-ummīd kī jaḌ

jo ik jañg-jū idrāk sulh-jū ho to jhagḌā na uTThe bakheḌā na uThe
dil-o-dil-rubā meñ nibhe kyā mohabbat udhar vo bhī ziddī idhar ye bhī akkhaḌ

ḳhayāl-o-tasavvur meñ hargiz na laanā hañsī dil-lagī meñ hamesha uḌānā
mire da.av-e-ishq kī qadr kyā ho vo is ko samajhte haiñ majzūb kī baḌ

kabhī jo phuuT ke ro le to chain pā jaa.e
magar ye dil mire pairoñ kā aabla bhī nahīñ

'asad' vahshat-parast-e-gosha-e-tanhā.i-e-dil hai
ba-rañg-e-mauj-e-mai ḳhamyāza-e-sāġhar hai ram merā

jaur us sañg-dil ke sab na khiñche
umr ne saḳht bevafā.ī kī

ik nigah meñ hazār jī maare
sāhirī kī ki dilrubā.ī kī

ā.īna banā rahe ho dil kā
dil TuuT na jaa.e aarsī kā

agar siine meñ dil hotā na pahlū meñ jigar hotā
kahāñ paltī mohabbat us ke afsāne kidhar jaate