Tags-Dil

go subuk mujh ko zamāne ne kiyā hai lekin
ye bhī hai shukr kisī dil kā to maiñ baar nahīñ

mirī sun na rakh apne pahlū meñ dil
ise tū kisī aur ke ghar chhupā

ulfat ko miTāne ke dar pe duniyā aur maiñ is soch meñ huuñ
ulfat na rahegī jab baaqī ḳhvāb-e-dil-e-insāñ kyā hogā

maiñ dard bhī tum se jī lūñgā tum mere liye kuchh ġham na karo
maanā ki pareshāñ dil hogā aisā bhī pareshāñ kyā hogā

dil ke sivā vo aur kahīñ rahtā hai agar
koī to darvāza dar-e-mehrāb khule

kisī maqām pe Thahrā hai aur na Thahregā
ki dil kā haal bhī ḳhāna-ḳharāb jaisā hai

masjid meñ sar-ba-sajda hue ham to kyā ki hai
kam-baḳht dil to bazm-e-ḳharābāt meñ lagā

ba-rañg us ke nahīñ mahbūb dil rone ko āshiq ke
sa.ādat ḳhaañ hai laḌkā vaz.a kar letā hai barsātī

us ne phir kar bhī na dekhā maiñ use dekhā kiyā
de diyā dil raah chalte ko ye maiñ ne kyā kiyā

dil kī bastī purānī dillī hai
jo bhī guzrā hai us ne luuTā hai

maañd paḌne lagī jab ā.īna-e-dil kī jilā
ek hī aks dikhāne lagā zañgār-e-ḳhayāl

nukta-chīñ dil na thā aur rāh-e-safar mushkil thī
log har moḌ pe karte rahe iz.hār-e-ḳhayāl

tū ne pherī laakh narmī se nazar
dil ke ā.īne meñ baal aa hī gayā

zindagī se laḌ na paayā josh-e-dil
rafta rafta e'tidāl aa hī gayā

be-ḳhudī meñ kah chalā thā rāz-e-dil
vo to kahiye kuchh ḳhayāl aa hī gayā

dil ke jazbāt bike zehn ke afkār bike
sach to ye hai ki har ik ahd meñ fankār bike

ka.ī aql kī gutthiyāñ thiiñ mirā dil
samajhtā na thā mujh ko samjhā rahā thā

dard-e-dil kā ilaaj ho kis se
yuuñ masīhā huā kare koī

jaa.e gar jaañ to sau haiñ tadbīreñ
jaa.e gar dil to kyā kare koī

dil kā kuchh haal hī nahīñ khultā
gar maraz ho davā kare koī