Tags-Dil

tum se be-rahm par na dil aa.e
aur aa.e to kyā kare koī

ḳhushī kī aarzū ko pā ke mahrūm-e-ḳhushī maiñ ne
ḳhushī kī aarzū dil meñ kabhī palne na dī maiñ ne

ye ab tujh par hai to qadmoñ meñ rahne de ki Thukrā de
tire qadmoñ meñ rakh dī apne dil kī har ḳhushī maiñ ne

usī ko dard kahtā hai usī ko dard kā darmāñ
nahīñ ye ishq to ai dil batā phir justujū kyā hai

ek muddat se tujhe dil meñ basā rakkhā hai
maiñ tujhe yād-dahānī se alag rakhtā huuñ

hazār zaḳhm haiñ dil par jigar pe khaa.e hue
magar mile jo kisī se to muskurā.e hue

go daaġh ho ga.e haiñ vo chhāle paḌe hue
haiñ ab bhī dil meñ tere havāle paḌe hue

dasht-e-vafā meñ jal ke na rah jaa.eñ apne dil
vo dhuup hai ki rañg haiñ kaale paḌe hue

hai yahī dahshat mabādā ye jo bhāve ḳhalq kuuñ
be-tarah dariyā-e-dil ko ab mire aayā hai josh

ai ḳhumār-ālūda dil jānāñ ke sanmukh samhliyo
husn ke bāzār meñ rakhtā vo āñkheñ mai-farosh

har ghaḌī har aan dil meñ 'imtiyāz' ab yaad kar
vāqi.a ko karbalā ke lā nazar meñ kar ḳharosh

der tak chhā.ī rahī ek udāsī dil par
jaane kyā soch ke phir hañs diye ham aap hī aap

ai dil tū na kar hamārī ḳhasmī
bas ik dil-e-kīna-var bahut hai

is dil kī to tū ḳhabar rakkhā kar
ye aap se be-ḳhabar bahut hai

sīna-e-ḳhasta hamāre se hai ġhirbāl ko rashk
nāvak-e-ġham jigar-o-dil se zi-bas paar hue

naqd-e-jān-o-dil-o-dīñ de ke liyā ham ne tumheñ
saikḌoñ ahl-e-havas garche ḳharīdār hue

ye to hargiz hī na thī tum se tavaqqo ham ko
ki sitamgār dil-āzār jafā-kār hue

varna dil khol ke lag jaao gale se pyāre
go ki ham qatl hī karne ke sazā-vār hue

zard chehra band lab āñkhoñ meñ aañsū dil pe haath
be-zabānī kī zabāñ thī aur mirā afsāna thā

husn kī duniyā ke saath un kī taraf duniyā-e-ishq
aur yahāñ dil hī na thā aur thā bhī to dīvāna thā