Tags-Dil

haañ dil kā dāman phailā hai
kyuuñ gorī kā dil mailā hai

jab raat ga.e suhāg kartī hai nigāh
dil meñ shab-e-māh ke utartī hai nigāh

vo dil nasīb huā jis ko daaġh bhī na milā
milā vo ġham-kada jis meñ charāġh bhī na milā

jis kī ulfat meñ dil dhaḌaktā hai
ab talak us kī bad-gumānī hai

rahā hamesha kisī aur ke tasarruf meñ
ḳhud apne dil pe kabhī apnā iḳhtiyār na thā

aa.egā vo zarūr mirī anjuman meñ phir
dil merā is liye bhī hirāsāñ nahīñ huā

āñkhoñ se dil tak pahuñchā
bande kī hushyārī hai

mere dil par us kā haq
achchhī ye sardārī hai

apne dil meñ Dar ho to ye bādal kis ko lubhā sakte haiñ
apne dil meñ Dar ho to sab ruteñ Darāonī lagtī haiñ aur apnī taraf hī gardan

dil iḳhtiyār meñ hai na jaañ iḳhtiyār meñ
saaqī ne kyā milā diyā kaif-e-bahār meñ

is but se kar ke zikr-e-vafā haa.e kyā kiyā
ik pech Daal dī dil-e-be-e'tibār meñ

thī kis kī yaad aaj jo taḌpā ga.ī hameñ
ik huuk uTh rahī hai dil-e-be-qarār meñ

ai ḳhudā jism meñ tū ne ye banāyā kyā hai
dil to ye hai hī nahīñ phir ye dhaḌaktā kyā hai

ishq kī shāḳh pe aa.egā chalā jaatā hai
dil ke panchhī kā bhalā Thor-Thikāna kyā hai

ban rahe haiñ sat.h-e-dil par dā.ere
tum ne to patthar koī pheñkā nahīñ

vo vaqt kabhī to aa.egā jab dil ke chaman lahrā.eñge
mar jā.ūñ to kyā marne se mire ye ḳhvāb nahīñ mar jā.eñge

safar hayāt kā āsān ho hī jaatā hai
agar ho dil ko sahārā kisī kī chāhat kā

yaar pahlū meñ hai tanhā.ī hai kah do nikle
aaj kyuuñ dil meñ chhupī baiThī hai hasrat merī

kis DhiTā.ī se vo dil chhīn ke kahte haiñ 'amīr'
vo mirā ghar hai rahe jis meñ mohabbat merī

raat meñ chāñd se bāteñ karnā haule haule
aañkh ke raste dil meñ utarnā haule haule