Tags-Dil

milte haiñ bahut yuuñ to jo āġhosh-kushā ho
dil ke liye vo dard kā dhārā nahīñ miltā

mere rivāq-e-dil meñ tū chaltā thā kitne naaz se
aa ga.ī kaise ab lachak terī sabā sī chaal meñ

kab haiñ is dil se butāñ haath uThāne vaale
ye vo kāfir haiñ ki masjid ke haiñ Dhāne vaale

yuuñ gajar sub.h kā jaldī se baje vasl kī raat
are be-rahm are dil ke satāne vaale

ek bose par bhī merā dil na sāhab ne liyā
itnī qīmat par to achchhā thā na itnā thā burā

chamak de chāñd ko ThanDak havā ko dil ko umañg
udaas qisse ko phir ek shāhzāda de

loTte saikḌoñ naḳhchīr haiñ kyā yaad rahe
chiir do siine meñ dil ko ki patā yaad rahe

dāġh-e-dil par mire phāhā nahīñ hai añgārā
chārāgar liijo na chuTkī se uThā yaad rahe

zaḳhm-e-dil bole mire dil ke namak-ḳhvāroñ se
lo bhalā kuchh to mohabbat kā mazā yaad rahe

nahīñ vasvās jī gañvāne ke
haa.e re zauq dil lagāne ke

dil-o-dīñ hosh-o-sabr sab hī ga.e
aage aage tumhāre aane ke

mizha-e-abrū-nigah se is kī 'mīr'
kushta haiñ apne dil lagāne ke

avval avval thiiñ rāheñ baḌī pur-ḳhatar kaun thā juz ġham-e-dil sharīk-e-safar
phir jo paḌne lagī manziloñ par nazar dost dushman sabhī yaar bante ga.e

ahl-e-dil jo bhī baat kahte haiñ
koī rāz-e-hayāt kahte haiñ

jo bhī haiñ vāqif-e-haqīqat-e-dil
dil ko hī kā.enāt kahte haiñ

muddatoñ ġhaur karnā paḌtā hai
un se jab dil kī baat kahte haiñ

junūñ tohmat-kash-e-taskīñ na ho gar shādmānī kī
namak-pāsh-e-ḳharāsh-e-dil hai lazzat zindagānī kī

zindagī zinda-dilī kā hai naam
murda-dil ḳhaak jiyā karte haiñ

yaktā vo zāt-e-akbarī dil ye haqīro asġharī
itnī vasī.a shai bhalā dil meñ mire samā.e kyuuñ

hamāre dil ke ā.īne meñ hai tasvīr nānak kī
hamāre kaan ke parde meñ hai taqrīr nānak kī