Tags-Dil

kiyā tark-e-duniyā maiñ jab to ye samjhe
ki duniyā nahīñ dil lagāne ke qābil

sharm kab tak ai parī lā haath kar iqrār-e-vasl
apne dil ko saḳht kar ke rishta-e-inkār toḌ

kisī se bhuul kar apnā kabhī mat dard-e-dil kahnā
yahāñ maañ ke alāva ab duā.eñ kaun kartā hai

dil ke qirtās pe ik lafz mohabbat likhnā
jo kabhī ishq meñ kī thī vo riyāzat likhnā

likhne baiTho jo kabhī dil kī hikāyat koī
naam us meñ mirā tum hasb-e-rivāyat likhnā

ho jaave hai us kī saf-e-mizhgāñ se muqābil
is dil ko mire dekhiyo kyā be-jigarī hai

terā hī talabgār hai dil donoñ jahāñ meñ
ne huur kā juuyā hai ne mushtāq-e-parī hai

hāl-e-dil kyā use batā.ūñ maiñ
us ne sab dekh-bhāl rakkhā hai

nikal aayā vo ghabrā kar dil us kā is qadar dhaḌkā
sadā bijlī kī dī naale ne jab muñh se mire kaḌkā

ba-juz havāla-e-sad-zaḳhm-e-be-nishāñ kyā hai
ik aarzū ki jo dil se nikāl bāhar kī

ai ġham-e-dil ye mājrā kyā hai
dard-e-ulfat se vāsta kyā hai

chashm-e-pur-nam magar laboñ pe hañsī
dil meñ 'monā' tire chhupā kyā hai

tarab-zāroñ pe kyā guzrī sanam-ḳhānoñ pe kyā guzrī
dil-e-zinda mire marhūm armānoñ pe kyā guzrī

vo misāl-e-barq numūd gum-gashtagī tabassum-e-be-amāñ
shafaq-āfrīñ sī vo mauj lab dil o jaañ meñ aag lagā ga.ī

shah-e-dilbarāñ tujhe kyā ḳhabar dil-e-rind-e-ḳhāk-nashīñ hai kyā
isī ḳhaak ne use dil kiyā yahī ḳhaak us ko miTā ga.ī

vo sitam-shi.ār sahī magar hai vahī qarār-e-dil-o-nazar
vo rahe to rasm-e-vafā rahe na rahe to rasm-e-vafā ga.ī

har dil meñ be-qarār sī ik lahr maujzan
har lab pe hai kisī kā gila kaan na dharo

rahīn-e-vaz-e-buzurgāñ hai apnā dil ya.anī
tire hī shahr meñ tujh se hazār guzre haiñ

maiñ apne dil meñ na.ī ḳhvāhisheñ sajā.e hue
khaḌā huā huuñ havā meñ qadam jamā.e hue

agarche tīr-e-palak ne kiyā thā dil barmā
vale nigāh ke ḳhanjar ne ḳhuub kaam kiyā