Tags-Dil

ruḳh pe kartā hai matānat paidā
dil meñ aate hī ḳhayāl-e-tahzīb

tum nahīñ ho to tumhārī yaad hai
ḳhāna-e-dil kis liye vīrāñ rahe

dil-girafta hī sahī ḳhākī pashemāñ to nahīñ
ishq meñ ham ko mayassar jo huā kuchh bhī nahīñ

bhīgī rātoñ meñ 'zafar' phirtā hai tanhā tanhā
aah vo soḳhta-dil soḳhta-jāñ āvāra

fazā-e-nisbat-o-qurbat hai gard gard magar
samajh rahe haiñ mire dil kā haal sab ke sab

lahū dil kā na hogā ḳhatm jab tak
mohabbat zindagī paatī rahegī

bajātā chal divāne saaz dil kā
tamannā har qadam gaatī rahegī

vo jin kī ḳhū se kal ik abr-e-tar ḳhvāb-e-mohabbat thā
unhī ko rakh diyā phir kyuuñ khule hāthoñ se mal-dal kar

kisī ko dekh kar be-ḳhud dil-e-kām ho jaanā
usī ko log kahte haiñ ḳhayāl-e-ḳhām ho jaanā

jahāñ dil meñ ye aa.ī kuchh kahūñ vo chal diyā uTh kar
ġhazab hai fitna hai zālim nazar pahchān jaatā hai

chunāñ burdūñd sabr az dil ke qisse yaad aate haiñ
taḌap jaatā huuñ ye sun kar ki ab īmān jaatā hai

dil se ab to naqsh-e-yād-e-raftagāñ bhī miT gayā
is ḳharābe se bil-āḳhir ye nishāñ bhī miT gayā

āñkhoñ meñ dil khule hoñ to mausam kī qaid kyā
fasl-e-bahār hī meñ bahār aa.e ye nahīñ

va.adoñ ko ḳhūn-e-dil se likho tab to baat hai
kāġhaz pe qismatoñ ko sañvār aa.e ye nahīñ

kuchh roz aur kal kī muravvat meñ kaaT leñ
dil ko yaqīn-e-va.ada-e-yār aa.e ye nahīñ

vo nañg-e-ādmi.yat hī sahī par ye batā ai dil
purāne dostoñ ko is tarah kyā chhoḌ dete haiñ

tum ab 'saulat' kaho kuchh shoḳh ġhazleñ
jo dil ne lī vo añgḌā.ī bahut hai

dil kī taḌap ke vāste mahbūb nā-guzīr
rāh-e-vafā meñ ġham ke kināyāt ham-safar

chaḌhā ke dār-e-qanā.at pe har tamannā ko
jo ek dil hai use bhī udaas rakhte haiñ

chalo ki rāh-e-tamannā meñ chal ke ham bhī 'farāġh'
zamīn-e-dil pe ġhamoñ kī asaas rakhte haiñ