Tags-Dil

kalām-e-pand meñ us ke asar thā āb-e-haivāñ kā
dil-e-murda ko zinda kartī thī taqrīr nānak kī

go karte haiñ zāhir ko safā ahl-e-kudūrat
par dil ko nahīñ karte safā kuchh nahīñ karte

dil ham ne diyā thā tujhe ummīd-e-vafā par
tum ham se nahīñ karte vafā kuchh nahīñ karte

karte haiñ vo is tarah 'zafar' dil pe jafā.eñ
zāhir meñ ye jaano ki jafā kuchh nahīñ karte

hai kis qadar mutavāzin nigāh-o-dil kā milāp
ki jaise donoñ taraf ek saañ tarāzū hai

ravāñ-davāñ hai judā.ī kā karb ye kaisā
vo mutma.in na mujhe apne dil pe qaabū hai

ai 'hafīz' in niiñd ke mātoñ kī manzil se nikal
kaam hai darpesh dām-e-dīda-o-dil se nikal

dīda-o-dil ko bhī ġhaflat ke shabistāñ se nikāl
ye jo ḳhāmoshī kī zanjīreñ haiñ in ko toḌ Daal

ġhubār-e-dil-zadagāñ ko bahut haqīr na jaan
ye ek hashr uThā kar zarūr niklegā

use ḳhayāl-e-dil-e-dostāñ agar aayā
to āñsuoñ kā samundar zarūr niklegā

ab vaqt-e-surūr o farhat-andozī hai
har dil masrūf-e-jashn-e-nau-rozī hai

bujh ga.ī sham-e-junūñ luT ga.ī bazm-e-yārāñ
ahl-e-dil sozish-e-jāñ hotī hai kyā bhuul ga.e

kaun soche bhalā kyuuñ dil nahīñ pāband-e-namāz
jab sar-e-shām azānoñ kī sadā bhuul ga.e

hazār ehtiyāt kī hai laakh ġham chhupā.e haiñ
magar taḌap uThā hai dil vo jab bhī yaad aa.e haiñ

jo dil sajā chuke the ḳhud-parastiyoñ kī anjuman
ham un meñ jazba-e-ġham-e-jahāñ ubhār aa.e haiñ

ai jazba-e-dil gar maiñ chāhūñ har chiiz muqābil aa jaa.e
manzil ke liye do gaam chalūñ aur sāmne manzil aa jaa.e

na maanī us ne ek bhī dil kī
dil hī meñ baat rah ga.ī dil kī

gesū-e-yār meñ ye baat kahāñ
aur hī shai hai barhamī dil kī

khīñchte haiñ vo tiir pahlū se
kho.e dete haiñ dil-lagī dil kī

yuuñ vo nikle taḌap ke pahlū se
shakl āñkhoñ meñ phir ga.ī dil kī