Tags-Dil

āñkhoñ hī meñ uḌāyā naqd-e-dil-o-jigar ko
vo shoḳh dil-rubā hai kaisā aThā.ī-gīrā

us shoḳh dil-rubā par kyūñkar na hoñ fidā ham
saj-dhaj huī nirālī bāñdhā jo us ne chīrā

in āñsuoñ ko gila na samjho ye dil se tañg aa ke gir rahe haiñ
isī ne rusvā kiyā hai har sū isī ne miTTī ḳharāb kī hai

yahī vo kuuza hai dil ki rahte haiñ band jis meñ hazār dariyā
yahī vo zarra hai dar-haqīqat ki jis meñ zau āftāb kī hai

naqāb rū-e-hasīñ uThā kar na is tarah ham ko bhuul jaao
murādeñ dil kī bhī puurī kar do agar nazar kāmyāb kī hai

dil aisā diyā kyuuñ ki rahā kushta-a-jānāñ
tum se nahīñ ye shikva bhī karnā hai ḳhudā se

kholeñge unhīñ hāthoñ ke nāḳhun girah-e-dil
jo basta haiñ rañgīnī-o-ḳhushbū-e-hinā se

dil talab mujh se kiyā maiñ ne kahā hāzir nahīñ
ye ġhazab dekho machal kar paañv phailāne lage

jhūTh kā bolnā āsān nahīñ hotā hai
dil tire ba.ad pareshān nahīñ hotā hai

sau tah se numūdār ho ubhrā huā jauban
ye dil nahīñ jis ko koī āñchal meñ chhupā le

dil ne kaam liyā āñkhoñ se ḳhāmoshī paiġhām huī
jalvoñ kī kasrat ke aage tāb-e-nazar nākām huī

mahv huā dīdār talab dil aisā un ke jalvoñ meñ
goyā mil kar bhī milne kī baat barā.e-nām huī

kyā jaane kyuuñ dil ne terī yaad kā dāman thaam liyā
majbūrī āġhāz huī jab nākāmī anjām huī

fikr-e-ġham-o-ālām 'rishī' hai goyā naam judā.ī kā
un kī mahfil meñ kab dil ko fikr-e-ġham-o-ālām huī

zindagī bāñjh sī aurat thī ki jis ke dil meñ
buuñd kī pyaas bhī thī aañkh meñ sailāb bhī the

ab tak to dil kā dil se ta.āruf na ho sakā
maanā ki us se milnā milānā bahut huā

kyā kyā na ham ḳharāb hue haiñ magar ye dil
ai yād-e-yār terā Thikāna bahut huā