Tags-Dil

qismat ke khilaune haiñ ujālā ki añdherā
dil sho.ala-talab thā so bahar-hāl jalī huuñ

Thahrā.ī hai ab hāl-e-ġham-e-dil ne ye sūrat
mastī kī tarah dīda-e-mai-nosh meñ rahiye

ek ik kar ke ho ga.e ruḳhsat
ḳhāna-e-dil ke sab makīn āḳhir

ishq tasḳhīr-e-kā.enāt ke ba.ad
ho rahā dil meñ hī makīn āḳhir

kab dil kā laḌakpan jā.egā har vaqt yahī hai zid us kī
jo māñge usī pal mil jaa.e jo soche vahīñ par ho jaa.e

zehn aur dil meñ fāslā hī rahā
vaqt zaḳhmoñ se kheltā hī rahā

us kā ġham mere dil meñ hai ab bāñsurī kī tarah
naġhma-e-dard se zaḳhma-e-iḳhtiyār uThā

kuchh rahā mere dil meñ to ik iztirāb rahā
maiñ sadā apnī hī ḳhaak se be-qarār uThā

raat guzre na dard-e-dil Thahre
kuchh to baḌh jaa.e kuchh to ghaT jaa.e

mohabbat meñ muravvat kī hikāyat ke suḳhan ḳhālī
ki juuñ fānūs dil kī sham.a bin hai pairahan ḳhālī

rahe kab hoñge ab tak bastiyoñ meñ naqsh shīrīñ ke
dil apnā kis se kartā hogā yāroñ kohkan ḳhālī

kuchh nahīñ ham dil-jaloñ kī be-qarārī kuchh nahīñ
terī mahfil vo hai jis meñ sham-e-parvāna rahe

un butoñ ke chalte ham ne dil ko patthar kar liyā
but rahe koī na yārab koī but-ḳhāna rahe

jab masīhā kī ho marzī kaj-adā.ī kījiye
is jagah kyā dard-e-dil kī phir davā.ī kījiye

us se khiñch rahtā huuñ jab tab ye kahe hai mujh se dil
āshiqī yā kījiye yā mīrzā.ī kījiye

gar ye dil apnā kahe meñ apne hove nāsehā
baiTh kar kunj-e-qanā.at meñ ḳhudā.ī kījiye

aks ho mālūm us kā ghar hī baiThe ai 'surūr'
pahle zañg-e-dil kī jab apne safā.ī kījiye

ho gayā rishta-e-jāñ phir dil-e-nādān ke saath
is sipāhī kī tamannā hai ki lashkar ho jaa.e