Tags-Dil

ḳhudā kā ghar bhī hai dil meñ butoñ kī chaah bhī hai
sanam-kada bhī hai dil apnā ḳhānqāh bhī hai

agarche dil se huuñ banda butoñ kā maiñ lekin
zabāñ pe kalma-e-tahrīm-e-lā-ilāh bhī hai

kal ek sadma paḌā thā ham par ke jis ne dil ko hilā diyā thā
chalo ke siine kā jā.eza leñ ki zalzala ḳhatm ho gayā hai

qarār paayā nahīñ tere qurb meñ bhī magar
tujhe gañvā ke bhī is dil meñ be-kalī hī rahī

dhīre dhīre man-agnī ThanDī na kahīñ ho jaa.e
chheḌ kabhī dil kī biinā par koī purānā raag

jab aadmī ke dil ko churātā hai aadmī
siine se apne us ko lagātā hai aadmī

dīda-e-ashk-bār hai apnā
aur dil be-qarār hai apnā

bazm se un kī jab se niklā hai
dil ġharīb-ud-dayār hai apnā

jiit ke ḳhvāb dekhte jaao
ye dil-e-bad-qimār hai apnā

girafta-dil haiñ bahut aaj tere dīvāne
ḳhudā kare koī tere sivā na pahchāne

jo tumhārī aañkh se gir paḌā jo tumhāre dil se utar gayā
vo ġharīb jīte-jī mar gayā vo kahāñ gayā vo kidhar gayā

koī apne bachne kā Dhab nahīñ koī zindagī kā sabab nahīñ
mire paas dil bhī to ab nahīñ vo idhar ga.e ye udhar gayā

koī dard ho to davā karūñ na bane davā to duā karūñ
use kyā kahūñ use kyā karūñ ki maiñ un ke dil se utar gayā

use dil-lagī kā mazā milā use āshiqī kā mazā milā
use zindagī kā mazā milā jo tirī adāoñ pe mar gayā

rahe kyuuñ na siine meñ dam ḳhafā ye nayā sitam hai na.ī jafā
kahūñ kyā safī' koī bevafā mire dil ko le kar mukar gayā

dil jigar nazr kar diye mai ke
de ke do shīshe ek jaam liyā

ulTī ik haath se naqāb un kī
ek se apne dil ko thaam liyā

TuuTā to aziiz aur huā ahl-e-vafā ko
dil bhī kahīñ us shoḳh kā paimāñ to nahīñ hai

ġhurūr-e-āftāb se zamīñ kā dil saham gayā
tamām bārisheñ thamīñ ghaTā hī aur ho ga.ī

husūl-e-ġham ba-alfāz-e-digar kuchh aur hotā hai
dil-e-barbād kā azm-e-safar kuchh aur hotā hai