Tags-Dil

husn-āfrīñ huā hai tasavvur jamāl kā
dil ko havā-e-gul ne gulistāñ banā diyā

ye dil hai laḌkoñ kā na gharauñdā samajh ise
bigḌā to phir kisī se sañvārā na jā.egā

zholīda muammā hai jahān-e-pur-pech
ai dil na sitam us ke kashā.ish meñ kheñch

kabhī tū ne ġhaur nahīñ kiyā ki ye log kaise ujaḌ ga.e
koī 'mīr' jaisā girafta-dil tere sāmne kī misāl thā

tire ba.ad koī nahīñ milā jo ye haal dekh ke pūchhtā
mujhe kis kī aag jalā ga.ī mire dil ko kis kā malāl thā

kahīñ ḳhūn-e-dil se likhā to thā tire sāl-e-hijr kā sāneha
vo adhūrī Diary kho ga.ī vo na-jāne kaun sā saal thā

mere us ke biich badan hai
aur badan meñ dil dariyā hai

ab un kī chaal qayāmat hai kyuuñ na dil pis jaa.e
abhī guzar gayā kabk-e-darī kī chaal kā vaqt

sunā hai dil bhī nagar thā rasā basā bhī thā
jalā to aañch bhī ahl-e-vafā nahīñ aa.ī

ġhayūr dil se na māñgī ga.ī murād 'adā'
barasne aap hī kaalī ghaTā nahīñ aa.ī

dil bujh gayā to garmī-e-bāzār bhī nahīñ
ab zikr-e-bāda-o-lab-o-ruḳhsār bhī nahīñ

kyā kījiye numā.ish-e-ġham ḳhūn-e-dil ke ba.ad
ab ārzū-e-dīda-e-ḳhūñbār bhī nahīñ

tirī samajh meñ na aa sakegī kisī ke ashkoñ kī qadr-o-qīmat
abhī hai nā-āshnā-e-ġham tū abhī tirā dil dukhā nahīñ hai

pahle jo aañsū dekhā lohū sā laal tum ne
nāseh vo dil hamārā ḳhuuñ ho ke bah gayā thā

maiñ us kī chashm se aisā girā huuñ
mire rone pe hañstā hai mirā dil

aah vo sho.ala hai jo jī ko bujhā ke uTThe
dard vo fitna hai jo dil ko biThā ke uTThe

ek duzdīda-nazar se mirā dil chhīn ke vaah
tum kidhar ko mirī jaañ aañkh bachā ke uTThe

dil-nashīñ rahmat-e-haq jab se huī hai 'kaifī'
daġhdaġhe dil se mire roz-e-jazā ke uTThe

husn-e-fitrat jalva-gar ho kar yaqīnan ik din
rañg kaliyoñ ko guloñ ko dilkashī de jā.egā

dil ko takmīl-e-tamannā kā ishāra de kar
mujh se tū merī tamannā kā ḳharīdār na ban