Tags-Dil

'sā.ib' na pūchh hāl-e-dil-e-ġham-zadah na pūchh
har saañs merī in dinoñ hai iztirāb meñ

na vo shān-e-jabr-e-shabāb hai na vo rañg-e-qahr-e-itāb hai
dil-e-be-qarār pe in dinoñ hai sitam yahī ki sitam nahīñ

phūloñ kā dil kalī kī tamannā mirī duā
kaam aa.e rañg ban ke tumhāre jamāl meñ

ḳhushbū kī aur ḳhushī kī ummīd kyā kareñ ab
jab āñdhiyoñ kī zad meñ dil kā nagar rahā hai

dil khol kar haiñ barsīñ phir se hamārī āñkheñ
'shāhīn' hijr-e-mausam phir se nikhar rahā hai

narmā.e hai kis tarah se is āhan-e-dil ko
ye aah agar naġhma-e-dā.ūd yahīñ hai

mirī sūrat meñ mirā yaar hai allāh allāh
mire dil meñ mirā dildār hai allāh allāh

mastī-e-har-do-jahāñ hai dil-e-ādam se ayaañ
yahī behosh to hoshyār hai allāh allāh

kahāñ sabāt-e-ġham-e-dil kahāñ sarāb-e-sukūñ
vo ḳhush-nasīb hai mil jaa.e jis ko soz-e-darūñ

ḳhud aap dekh leñ kyā haal dil zabāñ se kahūñ
abhī to haiñ mirī āñkhoñ meñ chand qatra-e-ḳhūñ

agar nahīñ hai ijāzat savāl mat karnā
aur apne dil meñ ziyāda malāl mat karnā

jaise us kā kabhī ye ghar hī na thā
dil meñ barsoñ ḳhushī nahīñ aatī

ab hai chehroñ par naqāb-e-maslahat
koī chehra dil kā ā.īna nahīñ

dil-o-nigāh mukaddar hoñ jin ke chehre se
hamārā un kā kahīñ phir na sāmnā ho jaa.e

dil hai ġhizā-e-rañj jigar hai ġhizā-e-rañj
paidā kiyā hai ham ko ḳhudā ne barā-e-rañj

jhiḌkī de gāliyāñ de sitamgar zalīl kar
kāfir ho ai sanam jo zarā dil meñ laa.e rañj

ai sān-e-azal mirī miTTī ḳharāb kī
kyā chāhiye thī ḳhāna-e-dil meñ binā-e-rañj

ham bār-e-ishq ke mutahammil na ho sake
bas dil pakaḌ ke baiTh ga.e vo uThā.e rañj

haiñ sikka-hā-e-dāġh hazāroñ bhare hue
qasr-e-dil-e-faqīr hai daulat sarā-e-rañj