Tags-Aahat

zaḳhm siine pe lagā aañkh se aañsū nikle
ġham kī aahaT se ka.ī dard ke aahū nikle

kahkashāñ kī kahkashāñ merī galī meñ aa ga.ī
kaisī aahaT thī ki khiḌkī kholnā achchhā lagā

koī dastak na koī aahaT thī
muddatoñ vahm ke shikār the ham

aahaT sī ek paanā dar-e-jāñ ke ās-pās
saaya sā ik fasīl ke us paar dekhnā

itne ḳhā.if kyuuñ rahte ho
har aahaT se Dar jaate ho

aahaT jo sunā.ī dī hai hijr kī shab kī hai
ye raa.e akelī merī nahīñ hai sab kī hai

apnī tanhā.ī meñ raat maiñ thā magan ek aahaT huī dhyān meñ daf.atan
mujh se bāteñ karo ḳhāmushī ne kahā ḳhāmushī ke liye ek taaza ġhazal

maiñ ne sun lī thī tire qadmoñ kī aahaT duur se
tū na aa.egā kabhī dil meñ mire dhaḌkā na thā

jab aanā ḳhvāb meñ haule se narmī se qadam rakhnā
garāñ hai ik zarā aahaT tire mahv-e-tasavvur ko

ab jāgte haiñ apnī hī aahaT se qāfile
rāh-e-talab se sheva-e-bāñg-e-jaras gayā

aahaT aahaT par jaane kyuuñ dil dhaḌke hai
koī nahīñ atrāf meñ lekin jāgte rahnā

shaam kī aahaT jab aane lag jaa.e
sābiqa libās utaar dene ke amal ko

har ik nazar meñ koī ajnabī sī aahaT hai
har ek dil meñ koī ḳhauf hai samāyā huā

har ek lamhe kī aahaT pe dil laraztā hai
zamāne bhar ko ho jaise gale lagāyā huā

koī dastak koī aahaT na sadā hai koī
duur tak ruuh meñ phailā huā sannāTā hai

akele meñ ye phūTtī naġhmagī sī
ye aahaT hai koyal hai dhaḌkan hai kyā hai

aahaT ho koī us kī taraf dauḌe jaate haiñ
tāḳhīr ek pal kī bhī ab dil pe baar hai

niim murda sī ḳhvāhisheñ aur mire
ḳhvāb jaage haiñ terī aahaT se

tañg huuñ ghar kī sansnāhaT se
haul uThte haiñ ek aahaT se

ik lambī sunsān saḌak par tanhā phirte haiñ
vo aahaT thī ham ko na us kī baat meñ aanā thā