judā hue vo log ki jin ko saath meñ aanā thā
ik aisā moḌ bhī hamārī raat meñ aanā thā
tujh se bichhaḌ jaane kā ġham kuchh ḳhaas nahīñ ham ko
ek na ik din khoT hamārī zaat meñ aanā thā
āñkhoñ ko ye kahte sunte rahte haiñ har dam
sūkhe ko aanā thā aur barsāt meñ aanā thā
ik lambī sunsān saḌak par tanhā phirte haiñ
vo aahaT thī ham ko na us kī baat meñ aanā thā
ai yaado tum aise kyuuñ is vaqt kahāñ aa.iiñ
kisī munāsib vaqt na.e hālāt meñ aanā thā