Tags-Barham

garebāñ chaak āñkheñ surḳh barham kākul-e-pechāñ
ye kyā sūrat banā.ī haa.e tum ne ġham meñ dushman ke

ye rasm barham fanā hai ai dil gunāh hai jumbish nazar bhī
rahegī kyā aabrū hamārī jo tū yahāñ be-qarār hogā

barhaman kahtā thā barham shaiḳh bol uThā ahad
harf ke ik pher se donoñ meñ jhagḌā ho gayā

us se barham maiñ nahīñ phir bhī magar merā harīf
umr-bhar detā rahā apnī safā.ī mujh ko

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

barham-mizāj ho ke vo bargasht-agī kare
daftar meñ jis ke fard-e-muqaddar lagā.iye

mudām barham mizha ke aare saroñ pe chalte haiñ āshiqoñ ke
banā ke gesu-e-mushk-bū ko vo maañg jis dam nikālte haiñ

shab guzar kar bhī añdherā kam nahīñ
us kī zulfeñ to kahīñ barham nahīñ

ham se 'ḳhāvar' laakh vo barham sahī
bad-gumāñ ham bhī magar kuchh kam nahīñ

ġhair ban kar jab ga.e is bazm meñ
ham ne dekhā ham se vo barham nahīñ

us se paiham guftugū kiije kabhī barham na ho
asl par bhārī hai pahlū aap kī tasvīr kā

jhapkī thī zarā aañkh ki barham huī mahfil
ham ne abhī kuchh un se kahā thā na sunā thā

hai barham phir mizāj un kā dil-e-nākām kyā hogā
yahī sūrat rahī to ishq kā anjām kyā hogā

huā vo dād-e-vafā chāhne pe kyoñ barham
koī gunāh na thā tālib-e-jazā honā

yak-laḳht hañste log ye barham kyuuñ ho ga.e
shāyad mirī zabān se kuchh sach nikal gayā

kartā aalam ko aah se barham
lek 'ra.anā' ko yaar kā Dar hai

mizāj-e-yār ho jaa.e na barham
na ai 'anjum' bahut fariyād kiije

ghaTāoñ ko barasne kā ishāra hī nahīñ miltā
vo jab tak zulf apne dosh par barham nahīñ karte

dabegī kab talak āvāz-e-ādam ham bhī dekheñge
rukeñge kab talak jazbāt-e-barham ham bhī dekheñge

sabā barham agar zulf-e-darāz-e-yār ho jaa.e
qayāmat karvaTeñ letī huī bedār ho jaa.e