Tags-Zindagi

bār-e-ġham-e-hayāt se shāne hue haiñ shal
uktā ke zindagī se ajal chāhte haiñ log

'valī' kī zindagī ā.īna-sūrat
sadāqat hī sadāqat boltī hai

zindagī miltī hai insān ko jiine ke liye
muskurāte raho sadmāt se Darte kyuuñ ho

Thokareñ khā ke hī insān banā kartā hai
zindagī ishq meñ ho jā.egī yuuñ ḳhvār ġhalat

maiñ tahī-nasīb sahī magar mirī chashm-e-nam ko duā to de
tirī maañg ai shab-e-zindagī sadā motiyoñ se bharī rahī

maut se pahle mar gayā huuñ maiñ
zindagī ko kafan kiye hue huuñ

hai kyā ziist kyā hāsil-e-zindagī hai
nahīñ hote hal pe savālāt hargiz

zālim mujhe phir saikḌoñ ġham dene lagā hai
maiñ zindagī meñ ek ḳhushī jab DhūñD rahā huuñ

na dil meñ ġham na hoñToñ par hañsī hai
ḳhudāvandā ye kaisī zindagī hai

basā-auqāt ye hotā hai mahsūs
ki nabz-e-zindagī ruk sī ga.ī hai

kyā āshiqī meñ hausla-e-marg-o-zindagī
ḳhvāb o ḳhayāl marhala-e-hast-o-būd thā

sarāsar ḳhajlat-o-sharmindagī hai
hamārī bhī bhalā kyā zindagī hai

ab faqat zindagī bitāte haiñ
varna apnā bhī nāz-o-naḳhra thā

satā lo mujhe zindagī meñ satā lo
khulegā pas-e-marg ehsān kyā thā

aa.ī thī chand gaam usī be-vafā ke saath
phir umr bhar ko bhuul ga.ī zindagī hameñ

sahar āġhāz-e-shab itmām-e-hujjat
ajab 'zahra' kī vaz-e-zindagī thī

sīdhe sīdhe chal ke kyā hāsil huā
zindagī muḌtī hai moḌā kījiye