dil bhī jaise hamārā kamra thā
kul asāsa zamīñ pe bikhrā thā
āsmāñ hī uThā liyā sar pe
jaane kyā kuchh zamīñ pe guzrā thā
phir na.ī ḳhvāhisheñ ubhar aa.iiñ
dil abhī hādsoñ se ubrā thā
chāñd kī chāñdnī bajā lekin
rañg us kā bhī saaf suthrā thā
kyā huā Duub kyuuñ gayā āḳhir
ḳhvāb to sāhiloñ pe utrā thā
āshiyāñ to banā liyā lekin
ab hameñ āñdhiyoñ kā ḳhatra thā
ab faqat zindagī bitāte haiñ
varna apnā bhī nāz-o-naḳhra thā