Tags-Waqt

vaqt-e-sahar ḳhāmosh dhuñdlakā ek sitāra kaañp rahā hai
ruḳh par jis ke khel rahā hai ab bhī tabassum halkā halkā

vaqt-e-sahr, ḳhāmosh dhuñdlakā ek sitāra kaañp rahā hai
jaise koī bosīda kashtī tūfānoñ meñ Dol rahī ho

vaqt-e-sahar, ḳhāmosh dhuñdlakā naach rahā hai sehn-e-jahāñ meñ
tābinda, pur-nūr sitāre, jagmag jagmag karte karte

vaqt-e-sahar hai garche ujālā abhī nahīñ
ye jaal rafta rafta khuleñge ḳhumār ke

bā-hosh vahī haiñ dīvāne ulfat meñ jo aisā karte haiñ
har vaqt unhī ke jalvoñ se īmān kā saudā karte haiñ

zalzala aayā vo dil meñ vaqt kī raftār se
ḳhud-baḳhud tasvīr terī gir paḌī dīvār se

har bure vaqt meñ kaam aayā thā
agle vaqtoñ kā vo ham-sāya thā

faisla the vaqt kā phir be-asar kaise hue
sach kī peshānī pe ham jhūTī ḳhabar kaise hue

bichhaḌte TūTte rishtoñ ko ham ne dekhā thā
ye vaqt ham pe bhī guzregā ye na sochā thā

raunaq-e-zīst ho ga.ī vaqt kī talḳhiyoñ meñ gum
lab pe hañsī na aa sakī izn-e-tarab ke ba.ad bhī

jo tere qurb ke lamhoñ se miltā-jultā ho
maiñ vaqt toḌ ke ek aise silsile meñ rahūñ

vaqt kī navāzishoñ ne ḳhuun kar diyā safed
sargirāñ the ham guloñ se rañg judā kaise ho

jab bhī ḳhalvat meñ vo yaad aa.egā
vaqt kā sail Thahar jā.egā

ye jo maiñ bhāgtā huuñ vaqt se aage aage
merī vahshat ke mutābiq ye ravānī kam hai

dil thā udaas ālam-e-ġhurbat kī shaam thī
kyā vaqt thā ki tum se mulāqāt ho ga.ī

badan hai shīshe ke mānind vaqt kā iqbāl
use batāo ki ham pattharoñ se duur rahe

mire zamīr meñ āsūda vaqt ke tūfāñ
vasī.a zarf mirā bahr-e-be-karāñ kī tarah

nigār-ḳhāna-e-dil meñ hunūt kar le mujhe
ki reg-e-vaqt pe huuñ maiñ tire nishāñ kī tarah

taqdīr ne shāyad kahānī ho likhī
mat pūchh ham ko vaqt milvātā hai kyuuñ

mazlūm ke lahū kā na ho jis pe koī daaġh
aisī sipāh-e-vaqt kī poshāk hī nahīñ