Tags-Waqt

rakhte nahīñ nigāh taqāzoñ pe vaqt ke
tālāb ke baġhair kañval chāhte haiñ log

ab ġhair se bhī terī mulāqāt rah ga.ī
sach hai ki vaqt jaatā rahā baat rah ga.ī

farāz-e-dār se pahle kā vaqt mushkil thā
kisī kī yaad ke saa.e meñ kaT gayā āḳhir

vaqt ke saath badalnā to bahut āsāñ thā
mujh se har vaqt muḳhātib rahī ġhairat merī

āstīñ us ne jo kuhnī tak chaḌhā.ī vaqt-e-sub.h
aa rahī saare badan kī be-hijābī haath meñ

ab un ko na.ī sub.h ke paiġhām sunā do
jo tīrgī-e-vaqt se ghabrā.e hue haiñ

ġhazal-ḳhvānī kar ab ai 'mus.hafī' tark
huā qad ḳham ye vaqt-e-bandagī hai

ahmaq nahīñ ki samjheñ burā vaqt Tal gayā
kuchh roz ke liye jo ye mausam badal gayā

koī Thahartā nahīñ yuuñ to vaqt ke aage
magar vo zaḳhm ki jis kā nishāñ nahīñ jaatā

har asr kī taḳhlīq meñ kuchh haath hai merā
maiñ vaqt ke zindāñ meñ bhī āzād rahā huuñ

maiñ apne usūloñ kā garāñ baar uThā.e
har vaqt havāoñ ke muḳhālif hī chalā huuñ

kisī zaḳhm-e-tāza kī chaah meñ kahīñ bhuul baiThūñ na raah meñ
kisī naujavāñ kī nigāh ne jo payām vaqt-e-sahar diyā

samā.at par dabāv vaqt kā muñh-zor hotā hai
ḳhamoshī ke ta.āqub meñ hamesha shor hotā hai