Tags-Ayaadat

ḳhudā rā bahr-e-istiqbāl jald ai jaan bāhar aa
ayādat ko mirī jān-e-jahāñ tashrīf laate haiñ

merī mayyat pe kahāñ vaqt se vo pahuñchegā
jo ki bar-vaqt ayādat bhī nahīñ kar saktā

mehñdī to sarāsar nahīñ paañv meñ lagī hai
tū bahr-ayādat jo sanam uTh nahīñ saktā

vo ayādat ko na aayā kareñ maiñ dar guzrā
hāl-e-dil pūchh ke aur aag lagā jaate haiñ

vo ayādat ke bahāne se agar aa bhī gayā
us se kah denā ki bīmār nahīñ hai ghar meñ

kabhū bīmār sun kar vo ayādat ko to aatā thā
hameñ apne bhale hone se vo āzār behtar thā

kabhū bīmār sun kar vo ayādat ko to aatā thā
hameñ apne bhale hone se vo āzār behtar thā

achchhā huā jo aap ayādat ko aa ga.e
sar kā ye ek bojh thā vo bhī utar gayā

ye kah do bas maut se ho ruḳhsat kyuuñ nāhaq aa.ī hai us kī shāmat
ki dar talak vo masīh-ḳhaslat mirī ayādat ko aa chuke haiñ

kar lo ayādat us kī tum bhī to 'farhat-ehsās'
duniyā bahut dinoñ se bīmār chal rahī hai

pursish-e-hāl se ho jā.eñge phir zaḳhm hare
is se behtar hai yahī merī ayādat mat kar

ġhair ayādat se burā mānte
qatl kiyā aan ke achchhā kiyā

chhīn lete haiñ use bhī to ayādat vaale
dukh kā ik pal bhī to merā nahīñ hone paatā

bīmār-e-mohabbat kī ayādat ko na aa.e
kyā hijr davā thā mujhe darmāñ se gilā hai

itnā saj-dhaj ke ayādat ko na aayā kiije
varna kuchh soch ke ye jaan nikal jā.egī

aayā hai kaun merī ayādat ke vāste
kyuuñ apnā haal pahle se behtar lagā mujhe

maiñ kyā kahtā ki sab ke saath meñ thā
ayādat ko bhī vo tanhā na aayā

us ne likhā hai bahr-ayādat kal ā.eñge
jiine bhī degā mujh ko dil-e-be-qarār aaj

mar gayā kal hī 'jur.at'-e-bīmār
tū ayādat ko us kī aaj aayā

vo merī ayādat ko zarūr ā.eñgī hamdam
kahte haiñ ki makkār hai ranjūr nahīñ hai