Tags-Ayaadat

ġharaz shāyad ye hai 'ranjūr' qabl-az-maut mar jaa.e
chale ho tum jo yuuñ bahr-ayādat aaj ban-Than ke

ḳhushā iqbāl-e-rañjūrī ayādat ko tum aa.e ho
faroġh-e-sham-e-bālīñ tāla-e-bedār-e-bistar hai

sab aa.e merī ayādat ko vo bhī aayā thā
jo sab ga.e to mirā dard-āshnā bhī gayā

ġhair ayādat se burā mānte
qatl kiyā aan ke achchhā kiyā

kabhī afsos hai aatā kabhī ronā aatā
dil-e-bīmār ke haiñ do hī ayādat vaale

na vo ayādat-o-taskīñ na vo dil-e-ranjūr
na ab vo dard-e-mohabbat na vo davā.eñ rahīñ

jo aap aa.eñ pa.e ayādat yaqīñ hai ho jaa.e mujh ko sehat
magar barā-e-ḳhudā ye zahmat kabhī gavāra na kījiyegā

koī 'nāsir' kī ġhazal koī zafar kī mai-tarañg
chāhiye kuchh to mirī shām-e-ayādat ke liye

mehñdī to sarāsar nahīñ paañv meñ lagī hai
tū bahr-ayādat jo sanam uTh nahīñ saktā

bahr-ayādat aa.e vo lekin qazā ke saath
dam hī nikal gayā mirā āvāz-e-pā ke saath

jo ho jaa.e yaqīñ ā.eñge vo rasm-e-ayādat ko
na ho bīmār bhī koī to vo bīmār ho jaa.e

agar vo merī ayādat ko aa gayā hotā
to dostoñ ke bhī chehre utar ga.e hote

bahr-e-ayādat aa.e vo lekin qazā ke saath
dam hī nikal gayā mirā āvāz-e-pā ke saath

vo har dam kī ayādat se mirī ghabrā ke kahte haiñ
ġhazab meñ jaan hai apnī na mar jaa.e na achchhā ho

bahr-ayādat bhī jo na ā.eñge na hamāre bālīñ par
barsoñ mere dil kī hasrat sar par ḳhaak uḌā.egī

vo dam-e-naz.a mire bahar-ayādat aa.e
haal kab pūchhte haiñ jab ki sunā bhī na sakūñ

ayādat ko mirī aa kar vo ye tākīd karte haiñ
tujhe ham maar Dāleñge nahīñ to jald achchhā ho

aa.e vo bahr-ayādat Daal kar ruḳh par naqāb
rah gayā armān dil meñ āshiq-e-nāshād kā

un marīzoñ kī ayādat ko vo ab nikle haiñ
maut jā kar jinheñ miTTī meñ milā bhī aa.ī