Tags-Shama

naġhma-e-shīrīñ ke dāman meñ ho shor-e-kā.enāt
bazm-e-kāvish meñ jale sham-e-shabistān-e-hayāt

ilm uThā letā hai bazm-e-jāñ se sham-e-etaqād
ḳhāl-o-ḳhad kī maut hai chehre kī shān-e-ijtihād

qindīl-e-sahar nūr-e-manzil ḳhurshīd-e-sahar sham-e-sāhil
ye ḳhūn-e-shahīdāñ kā maḳhzan ye dard-e-rafīqāñ kā hāsil

māh-e-man sham.a tuman dil ke shabistān meñ aa
nūr-e-dīda ho merī chashm ke aivān meñ aa

mere dil ke aa.ine ko kar rahā hai chuur chuur
tere sar par rahguzar kī sham.a kā halkā sā nuur

jaate jaate bhī to ham ko ik ziist kā unvāñ de ke gayā
bujhtī huī sham-e-mahfil ko phir sho.ala-e-raqsāñ de ke gayā

koī ḳhurshīd-sīmā aa rahā hai fātiha paḌhne
zarūrat sham.a kī ab kyā sirhāne mere madfan ke

sham.a kī nazr idhar jaan patañgoñ kī huī
vaqf-e-gul-gīr idhar sham.a kā sar hai ki nahīñ

larzāñ tarsāñ bar-sar-e-mizhgāñ ḳhuun ke aañsū haiñ 'tāriq'
sham-e-farozāñ shahr meñ le kar ḳhūnī manzar dekhā hai

vo bekas huuñ sivā.e shabnam-e-giryāñ pas-e-murdan
diyā rone meñ kis ne saath merī sham-e-turbat kā

bhaḌak na jaa.e kahīñ sham-e-ilm-o-dānish bhī
junūñ junūñ hī rahe āgahī na ban jaa.e

majlis-e-be-sham.a vo haiñ sham-e-be-majlis huuñ maiñ
ġham mirā ahbāb ko hai mujh ko ġham ahbāb kā

go sham.a huuñ pa mahfil-e-jānāñ se duur huuñ
maiñ andalīb huuñ pa gulistāñ se duur huuñ

kaam aa jaatī hai ham-bazmī bhī raushan dil kī
sham.a ham-rañg banā letī hai parvāne ko

naḳhvat-e-husn pasand aa.ī hai dīvāne ko
sar-kashī sham.a kī manzūr hai parvāne ko

gul pe bulbul thā kahīñ sham.a pe parvāna thā
ham ne har rañg meñ dekhā tire dīvāne ko

nafrat ye in guloñ ko hai marne ke ba.ad bhī
hotā nahīñ hai gul mire sham-e-mazār meñ

ḳhushā iqbāl-e-rañjūrī ayādat ko tum aa.e ho
faroġh-e-sham-e-bālīñ tāla-e-bedār-e-bistar hai

jagah us sham.a-rū ne dī hai parvānoñ ke lashkar ko
sar-e-maidāñ chaman maiñ muskurā.e jis kā jī chāhe