Tags-Andhera

hazār sham.a farozāñ ho raushnī ke liye
nazar nahīñ to añdherā hai aadmī ke liye

is qadar añdherā thā is qadar thā sannāTā
chāñdnī bhī Dartī thī gaañv meñ bikharte vaqt

hayāt-e-asr mujhe pher de mirā maazī
hasīn thā vo añdherā tire ujāle se

bil-āḳhir kam paḌegā ye añdherā
charāġh itne jalāne ke liye haiñ

vo añdherā hai ki tanhā.ī se hol aatā hai
saare bichhḌe hue logoñ ko sadā do koī

sūraj bole to so jaa.eñ sūraj bole to jāgeñ
kyā jāneñ ye diyā jalānā un ko añdherā kyā ma.alūm

raushnī kaisī agar aalam añdherā ho gayā
dil meñ bas jā.egī āñkhoñ meñ utar jā.egī raat

añdherā itnā nahīñ hai ki kuchh dikhā.ī na de
sukūt aisā nahīñ hai jo kuchh sunā.ī na de

myaañ ġhurbat meñ har ik be-sahārā chhoḌ jaatā hai
añdherā ho to saaya bhī hamārā chhoḌ jaatā hai

basāratoñ ke alam-dār haiñ yahāñ kuchh log
har ik nazar pe añdherā ġhilāf thoḌī hai

ham bhī jā nikle the sūraj ke nagar meñ ik din
vo añdherā thā vahāñ apnā bhī saaya na milā

charāġh raushan zarūr kar to par is se pahle ḳhudā kī ḳhātir
yahāñ pe phailā hai jo añdherā sameT zer-e-charāġh rakh de

raat kā ḳhauf nahīñ ghaTtā añdherā to kujā
sab tarah-dār sitāroñ ne chamak dekhā hai

din ke māthe pe to sūraj hī likhā thā tū ne
raat kī palkoñ pe kis ne ye añdherā likhkhā

chāroñ-jānib ghor añdherā hai jis meñ
āThoñ jānib sunñe kī āvāzeñ haiñ

chāroñ samt añdherā ghup hai aur ghaTā ghanghor
vo kahtī hai kaun

koī dekhe to bazm-e-zindagī meñ
ujāloñ ne añdherā kar diyā hai

charāġhoñ meñ lahū Daalo hai laḌnī jañg zulmat se
vagarna ab ujāloñ ko añdherā maar Dālegā

maiñ raushnī se milā thā bas itnā yaad rahā
phir us ke baad se chāroñ taraf añdherā thā

aur añdherā konā baañT liyā jaa.e