Tags-Andhera

har samt siyāhī hai ghaTā-Top añdherā
kyā zulf-e-dotā aaj vo bikhrā.e hue haiñ

hañste chamakte ḳhvāb ke chehre bhī miT ga.e
battī jalī to man meñ añdherā sā chhā gayā

ye duniyā phir numāyāñ ho rahī hai
añdherā umr bhar rahtā nahīñ hai

hamārī nākāmī-e-vafā ne zamāne kī khol dī haiñ āñkheñ
charāġh kab kā bujhā paḌā hai magar añdherā kahīñ nahīñ hai

tumhāre haath meñ taqdīr hai ujāloñ kī
charāġh ko ye ḳhabar kyā kahāñ añdherā hai

khule gesū to dīdār-e-ḳhudā bhī ho gayā mushkil
qayāmat kā añdherā chhā gayā maidān-e-mahshar meñ

ḳhudā ke ba.ad to be-intihā añdherā hai
tirī talab meñ kahāñ tak na merā dhyān gayā

maiñ ne kitne raste badle lekin har raste meñ 'faroġh'
ek añdherā saath rahā hai raushniyoñ ke hujūm liye

rahtī hai shams-o-qamar ko tire saa.e kī talāsh
raushnī DhūñDhtī phirtī hai añdherā terā

ihāta chahār-dīvārī añdherā
kisī jānib bhī darvāza na aayā

ye añdherā ye shab-e-tār kahāñ jāoge
din haiñ barsāt ke galiyoñ meñ hai kīchaḌ paanī

na hogā tai ye safar sirf raushan āñkhoñ se
charāġh-e-dil bhī jalā duur tak añdherā hai

kisī kī khoj meñ niklā huuñ mehr-o-māh liye
hai iltimās-e-duā duur tak añdherā hai

mirā ḳhayāl thā kuchh aage raushnī ho gī
maiñ jāntā nahīñ thā duur tak añdherā hai

'aqīl' pahle to bīnā.ī kī bashārat dī
phir us ne mujh se kahā duur tak añdherā hai

koī to raah sujhā duur tak añdherā hai
kahāñ hai mere ḳhudā duur tak añdherā hai

hamāre haath kī rekhā.eñ kyā batātī haiñ
hameñ batā.iye kyā duur tak añdherā hai

nazar ke sāmne the an-ginat sitāre magar
faqīr kahtā rahā duur tak añdherā hai

ab ye samjhe ki añdherā bhī zarūrī shai hai
bujh ga.iiñ āñkheñ ujāloñ kī farāvānī se

har taraf añdherā hai
ghaaT par akelā huuñ