Tags-Qasid

mukarrar zindagānī kā mazā ho jā.egā hāsil
dam-e-āḳhir bhī qāsid le ke gur ḳhat kā javāb aayā

luT gayā kārvān-e-sabr-o-qarār
qāsid-e-ashk ashk-bār aayā

ḳhūn-e-qāsid to vo saffāk samajhtā hai halāl
kisī ġhammāz se bhejvā.eñge paiġhām ko ham

dil kā ahvāl jo khultā nahīñ tū ne ai chashm
qāsid-e-ashk ko aane se magar band kiyā

qāsid aayā magar javāb nahīñ
mere likhe kā bhī javāb nahīñ

sun ai qāsid unheñ zid hai to ham ko baat kī pach hai
munāsib vo agar samjheñ to ye takrār rahne deñ

dekh qāsid ko mire yaar ne pūchhā 'tābāñ'
kyā mire hijr meñ jiitā hai vo ġhamnāk hanūz

tire kushta-e-ġham kā hai haal batar yahī kahiyo jo jaanā ho terā udhar
tujhe qāsid-e-mauj-e-nasīm-e-sahar mirī hijr kī shab kī bukā kī qasam

ḳhūbī-e-qismat-e-qāsid dekho
paas us shoḳh ke kyā jā baiThā

mazmūn sūjhte haiñ hazāroñ na.e na.e
qāsid ye ḳhat nahīñ mire ġham kī kitāb hai

is shoḳh-e-ram-shi.ār se kahtā salām-e-shauq
qāsid yahī hai aaj hamārā payām-e-shauq

qāsid kiyā hai ahd jo īfā-e-ahd kā
sub.h-umīd-e-vasl huī apnī shām-e-shauq

matlab na ḳhabt ho koī fiqra na chhūT jaa.e
qāsid ne harf harf kiyā sab payām hifz

zabāñ par hai qāsid kī apnī rasā.ī
huā huuñ payām zabānī kī sūrat

vo ḳhafā the yūñhī ki ai qāsid
kuchh sabab bhī malāl kā niklā

hai sub.h se kuchh aaj mire dil ko bashāshat
us kūche se qāsid to na ḳhat le ke chalā ho

qāsid ko us ne qatl kiyā purze kar ke ḳhat
muñh se jo us ke naam hamārā nikal gayā

qāsid kā sar aayā us galī se
naame kā mire javāb dekhā

bas ki likkhī thī maiñ hālat dil-e-gum-gashta kī
kho ke qāsid mirā maktūb kahīñ baiTh rahā

fazāoñ meñ koī nādīda ma.alūm rasta hai
jahāñ jazbāt muztar ruuh ke sīmāb-pā qāsid