English
Favourite
Favourite
UrduShayarUrduShayar
Expand menu
Sign inAccount

Tags-Musafir

tū musāfir tire kis kaam kī shohrat 'sayyad'
ye saḳhāvat sar-e-dahlīz-e-rafīqāñ dhar jā
Ghazal
 kaam koi to kabhi waqt se aage kar ja
aate rahe jaate rahe kashtī ke musāfir
pairoñ se lipaTte rahe baalū kī tarah ham
Ghazal
 palkon pe larazte rahe aansu ki tarah hum
musāfir pe ḳhud se bichhaḌne kī rut
vo jab ghar ko lauTe bahut dil dukhe
Ghazal
 use jab bhi dekha bahut dhyan se
dil se nikle ho palkoñ pe dam lo zarā
ho musāfir tumheñ roktā kaun hai
Ghazal
 aks hairan hai aaina kaun hai
kuchh bhī māñge koī duāoñ meñ
maiñ musāfir huuñ rāstā lūñgā
Ghazal
 dar pe tere jo sar jhuka lunga
us kā hai azm-e-safar aur nikharne vaalā
saḳht mausam se musāfir nahīñ Darne vaalā
Ghazal
 us ka hai azm-e-safar aur nikharne wala
tū raahī anjān musāfir
jañgal kā āġhāz na āḳhir
Nazm
 jangal
ḳhvāhishoñ ke jañgaloñ meñ lazzatoñ ke peḌ haiñ
jin ke saa.e meñ musāfir der tak sustā.egā
Ghazal
 sar-phiri pagal hawa ka tez jhonka aaega
aah kīdhar ko chale jaate ho chhoḌe tanhā
ham-raho ham bhī musāfir haiñ isī manzil ke
Ghazal
 sainkaDon gul hue KHush-rang chaman mein khil ke
manzileñ baḌhne lagīñ ḳhud hī musāfir kī taraf
rāsta sūrat-e-dīvār bhī ho jaa.e to kyā
Ghazal
 KHwab ummid se sarshaar bhi ho jae to kya
musāfir hī musāfir har taraf haiñ
magar har shaḳhs tanhā jā rahā hai
Ghazal
 qalam dil mein Duboya ja raha hai
kaun jogī hai kahīñ jis kā baserā na paḌāv
kyā musāfir hai ki be-shām-o-sahar aayā hai
Ghazal
 shahr mein ek ajab KHak-ba-sar aaya hai
rah-e-vafā ke musāfir kī bebasī mat pūchh
hameñ uThā.e hue chal rahī hai ḳhud manzil
Ghazal
 wahi madar-e-tamanna wahi sitara-e-dil
aa girā zinda shamshān meñ lakḌiyoñ kā dhuāñ dekh kar
ik musāfir parinda ka.ī sard rātoñ kā maarā huā
Ghazal
 jitne moti gire aankh se jitna tera KHasara hua
parindoñ ko na patthar se uḌaao
musāfir haiñ Thikānā chāhte haiñ
Ghazal
 haqaeq ko bhulana chahte hain
dekh kar jis ko Thahar jaa.eñ musāfir ke qadam
aisā manzar to koī raah meñ aayā hī nahīñ
Ghazal
 ab ke mausam mein koi KHwab sajaya hi nahin
kis liye katrā ke jaatā hai musāfir dam to le
aaj sūkhā peḌ huuñ kal terā saayā maiñ hī thā
Sher
 kis liye katra ke jata hai musafir dam to le
musāfir ke liye hai fikr-e-gor ai mun.imo lāzim
imārat kyā sarā-e-dahr meñ ta.amīr karte ho
Ghazal
 huzur-e-ghair tum ushshaq ki tahqir karte ho
ham musāfir yūñhī masrūf-e-safar jā.eñge
be-nishāñ ho ga.e jab shahr to ghar jā.eñge
Ghazal
 hum musafir yunhi masruf-e-safar jaenge
musāfir huuñ maiñ bhūkā huuñ sadā.eñ diiñ bahut lekin
darīche khol kar dekhe kisī ne ghar nahīñ kholā
Ghazal
 darun zat ka manzar zamane par nahin khola
Top Urdushayar.com