Tags-Mohabbat

nazar ġhazāl mohabbat naqāb jhiil ajal
surūr-e-ishq taqaddus fareb-e-amr-o-nahī

bhulā bhulā ke jatāyā hai un ko rāz-e-nihāñ
chhupā chhupā ke mohabbat ko āshkār kiyā

lailā ne ḳhud qarār diyā hai vafā ko jurm
majnūñ ne vo kitāb-e-mohabbat paḌhī nahīñ

ilm se baḌhtī hai aql aur aql hai vo bad-dimāġh
jo bujhā detī hai siine meñ mohabbat kā charāġh

ilm se baaqī nahīñ rahte mohabbat ke sifāt
aur mohabbat hai faqat le de ke terī kā.enāt

dil ne ik vasl-e-musalsal pā kar
talḳh kar lī hai mohabbat kaisī

ye amn kā lahrātā gesū ye sidq-o-mohabbat kā darpan
ai sub.h-e-vatan ai sub.h-e-vatan

mo.ajiza ashk-e-mohabbat kā dikhāyā tū ne
ek qatra se ye tūfān uThāyā tū ne

mohabbat se hameñ nafrat hasīnoñ se hameñ vahshat
dil-āzārī kī bāteñ ab ye dil-āzār rahne deñ

ab to is baaġh pe hai sab kī mohabbat kī nigāh
jo ki paude the shajar ho ga.e māshā-allāh

farsh āñkheñ kiye baiThe haiñ javānān-e-chaman
dil meñ tūfān-e-tarab lab pe mohabbat ke suḳhan

dil ke kuchh dāġh-e-mohabbat haiñ nishānī un kī
bachpanā dekh ke dekhī na javānī un kī

us mauj ko baḌhte baḌhte phir sailāb-e-mohabbat banñā hai
us sail-e-ravāñ ke dhāre ko is mulk kī qismat banñā hai

mohabbat kī tarah ābād rakkhegā ḳhudā us ko
miTā saktī nahīñ duniyā-e-hādis kī havā us ko

fazāoñ meñ mohabbat kī haqīqat āshnā huuñ maiñ
ik āġhosh-e-adab meñ parvarish paatā rahā huuñ maiñ

marā huuñ ik but-e-ġhārat-gar-e-dīñ kī mohabbat meñ
kafan merā sile tāroñ se zunnār-e-barhaman ke

aaj kitne dost mujh ko dekh kar katrā ga.e
allāh allāh ab mohabbat meñ ye din bhī aa ga.e

phir ye rah rah kar kisī kī yaad taḌpātī hai kyuuñ
ab to ham tark-e-mohabbat kī qasam bhī khā ga.e

junūn-e-shauq-e-mohabbat kī āgahī denā
ḳhudī bhī jis pe ho qurbāñ vo be-ḳhudī denā