Tags-Hawa

os meñ mahkī huī raat ke poñchhe aañsū
sub.h ko de diyā hañstā huā chehrā ham ne

phuul ke laa.eq fazā rakhnī hī thī
Dar havā se thā havā rakhnī hī thī

yū nafs-e-dūñ havā suuñ pakḌe liyā thā merī
murshid kī kafash uThā.īñ us suuñ najāt paayā

vo merī jaan hai dil se kabhī judā na huā
ki us kā ġham hī mirī ziist kā bahā na huā

nazar ne jhuk ke kahā mujh se kyā dam-e-ruḳhsat
maiñ sochtā huuñ ki kis dil se vo ravāna huā

nam-e-sabā mai-e-mahtāb itr-e-zulf-e-shamīm
vo kyā gayā ki koī kārvāñ ravāna huā

vo yaad yaad meñ jhalkā hai aa.ine kī tarah
is aa.ine meñ kabhī apnā sāmnā na huā

vo chand sā.ateñ jo us ke saath guzrī haiñ
unhī kā daur rahā aur jāvedāna huā

maiñ us ke hijr kī tārīkiyoñ meñ Duubā thā
vo aayā ghar meñ mire aur charāġh-e-ḳhāna huā

vo lauT aayā hai yā merī ḳhud-farebī hai
nigāh kahtī hai dekhe use zamāna huā

maiñ apne dard kī nisbat ko dil samajhtā huuñ
qafas jo TuuT gayā merā āshiyāna huā

usī kī yaad hai sarmāya-e-hayāt 'zafar'
nahīñ to merā hai kyā maiñ huā huā na huā

hai ruuh tārīkiyoñ meñ hairāñ bujhā huā hai charāġh-e-manzil
kahīñ sar-e-rāh ye musāfir paTak na de bojh zindagī kā

saath rahtā hai hamesha terā ġham terā ḳhayāl
ab huā mālūm marnā itnā āsāñ bhī nahīñ

havā ke haath charāġhoñ se khelte haiñ yūñhī
ki haath bachchoñ ke jaise khilaunā aatā hai

dil kā mafhūm ishāroñ se ujāgar na huā
be-kasī-e-gila-e-ḳhām pe ronā aayā

dhuāñ shorish ravānī be-yaqīnī
havā raftār paanī be-yaqīnī

bolī ḳhud-sar havā ek zarra hai tū
yuuñ uḌā dūñgī maiñ, mauj-e-dariyā baḌhī

duniyā-bhar meñ jitne manzar achchhe haiñ
un kā husn aur shor havā kā tere naam

huā hai koī agar faisla mire haq meñ
kabhī maiñ haañ kī taraf thā kabhī nahīñ kī taraf