Tags-Hawa

ye kisī ḳhvāb kā ahvāl nahīñ hai ki maiñ ḳhvāb
dekhtā ḳhvāb ke andar se nikaltā huā thā

ḳhvāb the jaise parindoñ ne pare bāñdhe hoñ
silsila ḳhvāb ke andar se nikaltā huā thā

mujh ko duniyā ke samajhne meñ zarā der lagī
maiñ zarā ḳhvāb ke andar se nikaltā huā thā

nazar uThtī thī jidhar bhī mirī manzar manzar
zāviya ḳhvāb ke andar se nikaltā huā thā

vo nikaltā huā thā ḳhvāb-kade se apne
ḳhvāb thā ḳhvāb ke andar se nikaltā huā thā

ik sirā jā ke pahuñchtā thā tirī yādoñ tak
dūsrā ḳhvāb ke andar se nikaltā huā thā

kyā batā.ūñ koī īmān kahāñ lā.egā
ki ḳhudā ḳhvāb ke andar se nikaltā huā thā

sub.h jab aañkh khulī logoñ kī logoñ pe khulā
jo bhī thā ḳhvāb ke andar se nikaltā huā thā

chain se soyā huā thā intizār-e-hashr meñ
aap merī qabr par kyuuñ phuul barsāne ga.e

rañg badlā phir havā kā mai-kashoñ ke din phire
phir chalī bād-e-sabā phir mai-kade kā dar khulā

tark de islām ko aur kufr saarā duur kar
chhoḌ de hirs-o-havā farzand aur zan bhuul jā

meloñ meñ ghūmte rahe tanhā.ī bech dī
phir yuuñ huā ki chashm-e-tamāshā.ī bech dī

apnī adā se aap jhijaknā apnī havā se aap khaTaknā
chaal meñ laġhzish muñh pe hayā.eñ uf rī javānī haa.e zamāne

rañg-o-bū kā shauq āshob-e-havā meñ le gayā
titliyāñ ghar se nikal kar ibtilā meñ kho ga.iiñ

ham pyaas ke māroñ ne abas aas lagā.ī
barsā huā bādal thā barastā bhī to kaise

tinke kī rukāvaT bhī na thī ġhaar kī tah meñ
phir phailā huā paañv sambhaltā bhī to kaise

har payambar se sahīfe kā taqāzā na huā
haq kā ye qarz bhī niklā to hamīñ par niklā

sunte haiñ ik havā kā jhoñkā
ik ḳhushbū ko le bhāgā hai

jaane kyuuñ hai zehn ġhālib ki maiñ soyā huā huuñ
ā.ina-ḳhāna-e-aflāk meñ khoyā huā huuñ

huuñ musallas yā koī dā.era tajrīdī sā
zehn-e-yazdāñ meñ maiñ tamsīl sā goyā huā huuñ