Tags-Hawa

rañg-āmezī se paidā kuchh asar aisā huā
ḳhud musavvir apnī hī tasvīr kā shaidā huā

kyā nigāhoñ kī tashaffī ho ki bazm-e-dahr meñ
sāmne aatā hai har manzar mirā dekhā huā

khol kar āñkheñ zarā ye husn-e-mahr-o-māh dekh
diid ke qābil hai zarra charḳh par pahuñchā huā

ishq ne is dil ko dam lene kī fursat hī na dī
ek jab armān niklā dūsrā paidā huā

barq ke sho.aloñ munāsib hai mujhī ko phūñk do
kis kaleje se maiñ dekhūñ āshiyāñ jaltā huā

ik vahī apnā ḳhudā hai ik vahī hai apnā but
jis ke dar par sar jhukā dene se sar ūñchā huā

pahuñcho gar ik chāñd par sau aur aate haiñ nazar
āsmāñ jaane hai kitnī duur tak phailā huā

ab 'falak' hai ik na.ī duniyā kī dil kī justujū
ye zamīñ dekhī huī hai āsmāñ dekhā huā

ghaḌī par vaqt dekho kyā huā hai
mujhe jaanā hai ghar kā mas.ala hai

huā kareñ tire kaan āshnā-e-shor-e-jaras
safar kā dil meñ irāda nahīñ to kuchh bhī nahīñ

jab dahakte hue hoñToñ kā tasavvur ubhre
dil meñ soyā huā har zaḳhm harā hotā hai

baḌhā ke haath ḳhizāñ kī rutoñ ne noch liyā
havā ke jism pe jo ḳhushbuoñ kā zevar thā

vo pur-gunah huuñ ki rah ga.e sab usī meñ din kaT gayā vo saarā
hanūz mahshar ke mahkame meñ huā thā merā hisāb aadhā

raqs-e-numūd yak do nafas aur bhī sahī
dosh-e-havā pe misl-e-sharar huuñ zarā Thahar

jigar tak aate aate sau jagah girtā huā aayā
tirā tīr-e-nazar aatā hai yā mastāna aatā hai

kabhī na phuul se chehre pe gard-e-yās jame
ḳhudā kare ki use ishq kī havā na lage

sail-e-girya kī badaulat ye huā ghar kā haal
ḳhaak tak bhī na milī bahar-e-tayammum mujh ko

ik baar bhī vo mujh se muḳhātab nahīñ huā
us ke qarīb ye hī gila le gayā mujhe

rāsta ḳhvāb ke andar se nikaltā huā thā
koī kyā ḳhvāb ke andar se nikaltā huā thā

vo mahak thī ki mujhe niiñd sī aane lagī thī
phuul sā ḳhvāb ke andar se nikaltā huā thā