Tags-Hawa

raaz phūloñ pe bahāroñ kā karam hai lekin
yuuñ bhī kaliyoñ kā jigar chaak huā hai ki nahīñ

kab huā bekār putlā ḳhaak kā
ye to sau qālib meñ Dhaltā hī rahā

kyā huā marham lagāne se 'fuġhāñ'
zaḳhm-e-dil siine meñ saltā hī rahā

na milā hameñ koī nukta-dāñ ye bipat sunā deñ bhalā kahāñ
na huā sabhoñ pe vahī ayaañ jo kasū se yaañ to nihāñ nahīñ

saañs mausam kī bhī kuchh der ko chalne lagtī
koī jhoñkā tirī palkoñ kī havā kā hotā

ik tamannā koī aisā to baḌā jurm na thī
aañkh tā-marg chhalaktā huā paimāna bane

koī khiḌkī hai salāmat na koī darvāza
mere ghar ke sabhī kamre haiñ havā-dār bahut

alag huā ḳhizr se ye kah kar
maiñ apnī manzil pe jā rahā huuñ

dānāoñ kī baat na maanī kaam aa.ī nādānī hī
sunā havā ko paḌhā nadī ko mausam ko ustād kiyā

afsos aap se na huā azm-e-iltifāt
varna mirā pahāḌ kī choTī pe ghar na thā

zabt-e-ġham se sivā malāl huā
ashk aa.e to jī bahāl huā

phir se bujhne lagī hai bīnā.ī
phir tirī diid kā savāl huā

ik zarā chāñd ke ubharne se
dekh sūraj kā rañg laal huā

kitne logoñ se milnā-julnā thā
ḳhud se milnā bhī ab muhāl huā

ham ne maazī kā har varaq palTā
ham ko har baat par malāl huā

ham to Tuk dekhte rahe us ko
rā.egāñ lamha-e-visāl huā

dard ash.ār meñ utar aayā
log kahne lage kamāl huā

jab tumheñ yaad kiyā rañj huā bhuul ga.e
ham añdheroñ meñ ujāle kī fazā bhuul ga.e

rusvā vo huā jo mast paimāna huā
lapkā jo saaya par vo dīvāna huā