Tags-Hawa

gum huā kab kā bhiiḌ meñ insāñ
shahr saarā khañgāl rakkhā hai

kyā jog samādhī-o-rasdhī kyā kashf-o-karāmat jazb-o-junūñ
sab aag havā paanī miTTī sab daal namak aur aaTā hai

duḳhtar-e-raz pe zor-e-ālam hai
is parī se huā parī shīsha

kyā gulsitāñ meñ thī safar-āmāda bū-e-gul
jhoñke havā ke qāfila-sālār kyuuñ hue

tamāzat hirs kī had se baḌhī hai
samundar ḳhud huā hai tishna-lab likh

rahrav-e-dasht-e-tamannā kā safar mushkil huā
dhuup tā-hadd-e-nazar hai aur kahīñ saaya nahīñ

kuchh to apnī gardaneñ kaj haiñ havā ke zor se
aur kuchh apnī tabī.at meñ asar miTTī kā hai

yuuñ uḌātī hai jo havā mujh ko
pahle halkā bahut kiyā mujh ko

lagā huā huuñ usī rañg ko ubhārne meñ
abhī ġhazal meñ jise ḳhaal ḳhaal dekhtā huuñ

ye mire ghar kī fazā ko kiyā huā
kab yahāñ merā tumhārā thā kabhī

maiñ agar tūfān se bach bhī gayā to kyā huā
merī kashtī ko bhañvar meñ nā-ḳhudā le jā.egā

maiñ marne ke liye paidā huā huuñ
mirā anjām hai āġhāz-e-hastī

kyā gunah huā un se kyuuñ tirī galī ke log
apne ghar ke andar bhī muñh chhupā ke chalte haiñ

jaan ko zaḳhm-e-tamannā se ifāqa na huā
phir na.e ishq meñ paimān-e-vafā chāhtī hai

mazdūr haiñ ham, mazdūr haiñ ham, majbūr the ham, majbūr haiñ ham
insāniyat ke siine meñ ristā huā ik nāsūr haiñ ham

qafas se huā izn-e-parvāz kab
ye ḳhvāhish hī dil se uḌā.eñge ham

huā vasl bhī to mazā kaun sā
vo rūTheñge har dam manāeñge ham

ā.īna saaf thā dhundlā huā rahtā thā maiñ
apnī sohbat meñ bhī ghabrāyā huā rahtā thā maiñ

apnā chehra mujhe katbe kī tarah lagtā thā
apne hī jism meñ dafnāyā huā rahtā thā maiñ

jis mohabbat kī zarūrat thī mire logoñ ko
us mohabbat se bhī baaz aayā huā rahtā thā maiñ