Tags-Hawa

bahut dinoñ meñ mohabbat ko ye huā ma.alūm
jo tere hijr meñ guzrī vo raat raat huī

jāma-e-ḳhākistarī se tere ye sābit huā
apnī darveshī kā hai tujh bhī ġharra fāḳhta

ye bahut der meñ huā ma.alūm
ishq kyā hai muġhālta kyā hai

paañv ke nīche saraktī huī ḳhaak
sar meñ masnad kī havā baaqī hai

mahak thamī jo lahū kī to chauñk kar ham ne
havā se pūchhī hai zaḳhmoñ kī ḳhairiyat kyā kyā

aTā huā ba-sar-o-chehra sīm-o-zar kā ġhubār
milī hai lāsha-e-afkār kī diyat kyā kyā

arsha-e-ḳhāk se, maiñ ne hāthoñ meñ miTTī bharī
aur havā meñ uchhālī

'nazīr' piir huā to bhī bār-e-nāz-e-butāñ
kuchh us ke dosh ke kuchh pusht-e-ḳham ke saath rahā

zarūr terī galī se guzar huā hogā
ki aaj bād-e-sabā be-qarār aa.ī hai

vo husn kyā jo kisī dil kā mudda.ā na huā
vo ishq kyā jo mohabbat kī intihā na huā

bachegā kyā koī un kī nazar ke tīroñ se
nishāna un kī nazar kā kabhī ḳhatā na huā

koī payām na ham nāma-bar ko de paa.e
salām kahte hī fil-faur vo ravāna huā

hamārā zikr pahuñchte hī un kī mahfil meñ
zamāne bhar kī zabāñ par chaḌhā fasāna huā

ḳhudā ke bande hī bandoñ pe zulm karte haiñ
ḳhudā kā shukr hai banda abhī ḳhudā na huā

tire huzūr pahuñch kar bhī sab rahe mahrūm
kisī ko hausla-e-arz-e-mudda.ā na huā

butoñ kī yaad meñ 'āzam' basar huī apnī
ḳhudā kī yaad kā farz ek din adā na huā

kāfir kāfir sargoshī
barham sargarm havā kī

vo zamīñ ke shahzāde tiir aur kamāñ le kar jañgaloñ meñ phirte the
ik hiran jo zaḳhmī thā dauḌtā huā aayā rādhikā kī bāhoñ meñ

rā.egāñ vasl meñ bhī vaqt huā
par huā ḳhuub rā.egāñ jānāñ

aaj insān huā makr-o-daġhā kā daftar
qalb-e-zardār hai ehsās-e-ḳhudī kā ḳhūgar