Tags-Hawa

nāhaq thā 'qalaq' mujhe ġhurūr-e-islām
mardūd huā kartī hai nazar-e-asnām

tamām umr tirī ham-rahī kā shauq rahā
magar ye rañj ki maiñ mauja-e-sabā na huā

mire hañste hue lahje se dhokā khā rahe ho tum
mirā utrā huā chehra dikhā.ī kyuuñ nahīñ detā

tamām yādeñ mahak rahī haiñ har ek ġhuncha khilā huā hai
zamāna biitā magar gumāñ hai ki aaj hī vo judā huā hai

chāñd sī peshāniyoñ par zarfishāñ lahroñ kā jaal
ahmarīñ uḌtā huā rañg-e-sharāb

ye kahāñ aur vo gul kidhar 'qā.em'
ik havā bāñdhe hai sabā bhī yūñhī

thā dard to diloñ meñ samāyā huā thā maiñ
huuñ paas hī to ab kise merā ḳhayāl ho

dil ḳhaak huā pyaar kī is aag meñ jal kar
aur jhāñk ke us ne kabhī andar nahīñ dekhā

tū ek hai magar haiñ tire an-ginat majāz
har aa.ine meñ tere numāyāñ huā huuñ maiñ

mānind-e-kahkashāñ ye miTātī hai tīrgī
paḌh kar kitāb-e-ishq ko raushan huā huuñ maiñ

phir apne āñchal se havā dī
sho.ala-e-gul ko bād-e-sabā ne

kuchh yuuñ fanā huā huuñ mohabbat kī aag meñ
duniyā ko de chalā huuñ kahānī malāl kī

sailāb kī shikast pe hañstā huā ye shahr
aur āsmāñ pe qaus-e-quzah bhī kamāl kī

har dam havā ke saath safar kī tarañg meñ
kaisī hayāt hai mirī ḳhāk-e-fa.āl kī

sahrā meñ aa nikle to ma.alūm huā
tanhā.ī ko vus.at kam paḌ jaatī hai

us kā āshiq huā huuñ jis kī 'vaqār'
chashm aahū nigāh aahū hai

bañdhā huā hai bahāroñ kā ab vahīñ tāñtā
jahāñ rukā thā maiñ kāñTe nikālne ke liye

hai ālam-e-vajūd pe chhāyā huā jumūd
ai kaash inqalāb koī faisla kare

havā kī shart ham kyuuñ mānte kyuuñ is tarah dabte
hameñ gar saañs lene kī ye bīmārī nahīñ hotī

aap se mil ke bhī akasr yahī mahsūs huā
aap se goyā mulāqāt na hone paa.ī