Tags-Hawa

nazar se shaiḳh kī chhup kar chalā huuñ piine ko
'jamīla' abr hai bārish hai aur havā bhī hai

phaTā huā jo garebāñ dikhā.ī detā hai
kisī kā dard numāyāñ dikhā.ī detā hai

sarā-e-dahr meñ Thahrā huā musāfir huuñ
ajiib be-sar-o-sāmāñ dikhā.ī detā hai

udaas āñkhoñ se tak rahā thā mujhe vo chhūTā huā kinārā
shikasta kashtī se jab maiñ dariyā ke paar utrā to maiñ ne dekhā

ābād kū-e-chāk-e-garebāñ jo phir huā
dast-e-raqīb o dāman-e-ahbāb dekhnā

jab banām-e-dil gavāhī sar kī māñgī jā.egī
ḳhuun meñ Duubā huā parcham hamārā dekhnā

ek musht-e-ḳhāk aur vo bhī havā kī zad meñ hai
zindagī kī bebasī kā isti.āra dekhnā

ye Dar hai qāfile vaalo kahīñ na gum kar de
mirā hī apnā uThāyā huā ġhubār mujhe

koī batlā.e ki kyā haiñ yaaro
ham bagūle ki havā haiñ yaaro

jin usūloñ ke liye jiinā bahut mushkil huā
un kī ḳhātir jaan de dene meñ dushvārī na thī

ik samāñ khultā huā sā ik fazā be-dāġh sī
ab yahī manzar mire ham-rāh chaltā jā.egā

chhū sakegī ab na mere haath tūfānī havā
jis diye ko ab jalā dūñgā vo jaltā jā.egā

khulī kitāb ke safhe ulaTte rahte haiñ
havā chale na chale din palaTte rahte haiñ

pahle kyā thā jo kiyā karte the tārīf mirī
ab huā kyā jo burā ho gayā achchhā ho kar

maiñ zehn pe apne gahrī shikan maiñ sidq meñ apne bhaTkā huā
in bandhanoñ meñ ik añgḌā.ī manzil hai jo koī kaThin to yahī

mujh ko to kaam kuchh na thā go ki vo the parī-laqā
bār-e-ḳhudā ye kyā huā kyuuñ vo mujhe satā ga.e

ye Dūbtā huā sūraj Thahar na jaa.e 'vasī'
agar vo sāmne vaqt-e-zavāl aa jaa.e

rañg laa.ī mirī āñkhoñ kī jalan ai 'jāmī'
kūcha-e-shab se ujāloñ kī havā aatī hai

us ne pūchhā mizāj kaisā hai
dil jo umDā huā thā bhar aayā

suntā ye kaun zabt pe qaabū nahīñ hai ab
achchhā huā jo koī mirā rāz-dāñ na thā