Tags-Hawa

simaT ke ḳhud meñ mirā ḳhair kyā banā hotā
havā ke dosh pe thā duur tak bikharte hue

havā le aa.ī thī is shahr meñ ai dost varna
abhī pesh-e-nazar naql-e-makānī bhī kahāñ thī

har shaḳhs apne aap meñ sahmā huā sā hai
dekho to shahar socho to vīrāniyāñ bahut

leTā huā pañgoḌe meñ taktā hai āsmāñ
likkhī huī haiñ āñkhoñ meñ hairāniyāñ bahut

sabā bhī us gul ke paas aa.ī to mere dil ko huā ye khaTkā
koī shagūfa na ye khilā.e payām laa.ī na ho kahīñ kā

ai havā tez-gām mat chalnā
jal rahā hai kahīñ diyā mujh meñ

charāġh un pe jale the bahut havā ke ḳhilāf
bujhe bujhe haiñ tabhī aaj bām-o-dar mere

der se 'shahzād' kunj-e-āfiyat meñ the asiir
ḳhush huā hai dil balā-e-nā-gahānī dekh kar

shāḳhoñ se pūchhtī rahī hai sar-phirī havā
kis ke liye zamīn sajātī rahī huuñ maiñ

jo vaj.h-e-rāhat bhī na the aur TuuT ga.e to ġham na huā
aah vo rishte kyuuñ ham ne ik umr nibāhe rakkhe the

aa gayā manzil pe har patthar ko Thukrātā huā
aap ke ġham ko har ik ġham kī sipar samjhā thā maiñ

munkashif mujh par huā 'jāmī' vo rahbar thā mirā
jis haqīqat-āshnā ko bāzīgar samjhā thā maiñ

havā kī abr kī koshish to puurī puurī hai
magar dhuveñ kī tarah maiñ bikharne vaalā nahīñ

kisī chashm-e-siyah kā jab huā sābit maiñ dīvāna
tū mujh se sust hāthī kī tarah jañgalī hiran bigḌā

rahī nafrat hamesha dāġh-e-uryānī ko phaa.e se
huā jab qat.a jaama par hamāre pairahan bigḌā

ragaḌvā.īñ ye mujh se eḌiyāñ ġhurbat meñ vahshat ne
huā masdūd rasta jāda-e-rāh-e-vatan bigḌā

amānat kī tarah rakkhā zamīñ ne roz-e-mahshar tak
na ik mū kam huā apnā na ik tār-e-kafan bigḌā

jahāñ ḳhālī nahīñ rahtā kabhī izā-dahindoñ se
huā nāsūr-e-nau paidā agar zaḳhm-e-kuhan bigḌā

havā kī tarah na dekhī mirī ḳhizāñ kī bahār
khilā ke phuul mirā ḳhush-nazar chalā bhī gayā

bahut huā to havāoñ ke saath ro lūñgā
abhī to zid hai mujhe kashtiyāñ Dubone de