Tags-Hawa

ishq karnā hai maat khā jaanā
us meñ jiitā huā bhī haarā hai

koī zaḳhm khulā to sahne lage koī Tiis uThī lahrāne lage
ye kis kī duā kā faiz huā ham kyā kyā kaam dikhāne lage

ain mastī meñ jo vo shoḳh huā sar ki jabīñ
ye uḌe hosh ki nashshe ne hiran dikhlāyā

jhuT-puTā vaqt huā maut kā sāmāñ shab-e-vasl
sahar-e-hijr kā murdoñ ne kafan dikhlāyā

phir tirā shor-e-tabassum jo namak-rez huā
phir mirā taaza mujhe zaḳhm-e-kuhan dikhlāyā

ai kāshif-e-soz-e-hastī sun hai tujh meñ nihāñ asrār kī bū
gar terā guzar gulshan se huā har baat nikālī jā.egī

huā jo sahl us ke ghar kā rāsta
maza hī kuchh takān meñ nahīñ rahā

isī jahān meñ rahte haiñ ḳhūb-rū aise
yaqīn mujh ko huā us ko dekh kar bhī nahīñ

Duubā huā huuñ dard kī gahrā.iyoñ meñ bhī
maiñ ḳhanda-zan huuñ khokhlī dānā.iyoñ meñ bhī

naala kar kar ke dil huā ḳhāmosh
rah gayā hai pa phoḌā ris ris ke

kyā kahūñ dil mā.il-e-zulf-e-dotā kyūñkar huā
ye bhalā chañgā giraftār-e-balā kyūñkar huā

jin ko mehrāb-e-ibādat ho ḳham-e-abrū-e-yār
un kā kaabe meñ kaho sajda adā kyūñkar huā

dīda-e-hairāñ hamārā thā tumhāre zer-e-pā
ham ko hairat hai ki paidā naqsh-e-pā kyūñkar huā

nāma-bar ḳhat de ke us nau-ḳhat ko tū ne kyā kahā
kyā ḳhatā tujh se huī aur vo ḳhafā kyūñkar huā

ḳhāksārī kyā ajab khove agar dil kā ġhubār
ḳhaak se dekho ki ā.īna safā kyūñkar huā

jin ko yaktā.ī kā da.avā thā vo misl-e-ā.īna
un ko hairat hai ki paidā dūsrā kyūñkar huā

tere dāñtoñ ke tasavvur se na thā gar āb-dār
jo bahā aañsū vo durr-e-be-bahā kyūñkar huā

jo na honā thā huā ham par tumhāre ishq meñ
tum ne itnā bhī na pūchhā kyā huā kyūñkar huā

vo to hai nā-āshnā mash.hūr aalam meñ 'zafar'
par ḳhudā jaane vo tujh se āshnā kyūñkar huā

marne ke ba.ad bhī yahī dhaḌkā rahā kyā
mil kar sabā se ḳhaak hamārī havā na ho