Tags-Hawa

band kar lete haiñ āvāra havā muTThī meñ
phir fazā meñ use taqsīm kiyā karte haiñ

ajiib chaah hai us kī bhī dekhiye to zarā
sabhī hoñ us ke bhale vo huā kisī kā nahīñ

vo jo kahtā thā ki 'nāsir' ke liye jiitā huuñ
us kā kyā jāniye kyā haal huā mere baad

umr bhar ḳhud ko zer-e-pā rakkhā
aa.ina thā bichhā huā ghar meñ

is tarah chhāyā huā hai nigah-o-dil pe tilism
jaise har chiiz haqīqat ho haqīqat ke sivā

havā ne kunj-e-gum-gashta meñ aa ke
merī palkoñ par jamī vīrāniyoñ kī ḳhaak ko jhāḌā

dil ye shādī-e-jarāhat se huā bālīda
ki tirā tiir yahāñ tā-lab-e-sūfār rahā

gir ke nazroñ se tirī phir na zamīñ se uTThā
maiñ subuk bhī jo huā tū bhī girāñ-bār rahā

tuur tū barq-e-tajallī se huā ḳhākistar
aur maiñ soḳhta-e-hasrat-e-dīdār rahā

banā hogā ḳhas-o-ḳhāshāk se vo
jo nabh jaltā huā dekhā gayā hai

bhīge sāhiloñ kī havā meñ ḳhuun hī ḳhuun thā
jhīloñ ke ābād kināre mujhe banjar kar ga.e

mauj-e-dariyā thī kahīñ aur na havā kā jhoñkā
ret par likkhī thī jo raat ibārat na milī

koī aur bhī morid-e-lutf huā milī ahl-e-havas ko havas kī sazā
tire shahr meñ the hamīñ ahl-e-vafā milī ek hamīñ ko jalā-vatanī

ye dil ki hai Thukrāyā huā saare jahāñ kā
ghar ek yahī hai jo tire ġham ko milegā

fitna-zā husn huā ishq huā shor-e-fagan
ram huā shauq-fazā shauq tamannā.ī thā

sar-phirī pāgal havā ko roknā dushvār thā
ek hī din ke liye thī us ko sultānī milī

ye kyā huā ki is ke bāvajūd baazī haar dī
khaḌī thī maiñ to sar uThā.e apne hāmiyoñ ke saath

parinde laḌ hī paḌe jā.edād par āḳhir
shajar pe likkhā huā hai shajar barā.e-faroḳht

ajiib jaarī huā ab ke hukm-e-hākim-e-shahr
asiir saare taraf-dār-e-rañg-o-bū kiye jaa.eñ

haath kaTe is bastī meñ
kurtā līr-o-līr huā