Tags-Hawa

sho.abada-bāzī kahāñ kār-e-masīhā.ī huī
aadmī jab aadmī Thahrā ḳhudā kyūñkar huā

ḳhāmushī kitne hī jazboñ kā pata detī rahī
naala gar pāband-e-nai thā nā-rasā kyūñkar huā

ab mirī zaat meñ bas ek kī gunjā.ish hai
maiñ huā dhuup to saaya nahīñ ho pā.ūñgā

ai zindagī tamām lahū rā.egāñ huā
kis dasht-e-be-savād meñ barsā ga.ī mujhe

āḳhirī daur meñ mad.hosh huā thā lekin
laġhzish-e-pā ne mirī ḳhuub sambhālā mujh ko

huā hai chaar sajdoñ par ye daavā zāhido tum ko
ḳhudā ne kyā tumhāre haath jannat bech Daalī hai

saaqī ke haath se mastī meñ jab koī sāġhar chhūT gayā
mai-ḳhāne meñ ye mahsūs huā har mai-kash kā dil TuuT gayā

jab dil ko sukūñ hī raas na ho phir kis se gila nākāmī kā
har baar kisī kā hāthoñ meñ aayā huā dāman chhūT gayā

kyā shai thī kisī kī pahlī nazar kuchh is ke alāva yaad nahīñ
ik tiir sā dil meñ jaise lagā paivast huā aur TuuT gayā

saarā din tapte sūraj kī garmī meñ jalte rahe
ThanDī ThanDī havā phir chalī so raho so raho

vasvasoñ se bharā huā thā dil
us kī chaukhaT pe sar ko dharne tak

'ash.har' bahut sī pattiyāñ shāḳhoñ se chhin ga.iiñ
tafsīr kyā kareñ ki havā tez ab bhī hai

huā hai charchā zamāne bhar meñ tumhārī be-nām chāhatoñ kā
to mujh se kyoñ tum chhupā rahe ho nigāhoñ meñ hai ye ḳhvāb kaisā

tū ḳhudā-e-husn-o-jamāl hai to huā kare
terī bandagī se mirā bhalā nahīñ ho rahā

DhūñDe koī mujh ko to isī ḳhāk-e-havas meñ
yā silsila-e-sail-e-havā par mujhe dekhe

ḳhauf-e-vīrāñ huā hai ḳhāna-e-dil
aas kaisī ki yaañ to yaas nahīñ

ka.abe meñ jā ke kyā kareñ zāhid
vaañ kī āb-o-havā hī raas nahīñ

ġhazab kī kaaT thī ab ke havā ke tānoñ meñ
shigāf paḌ ga.e haiñ be-zabāñ chaTānoñ meñ

bagūla ban ke uThā to maiñ thā ḳharābe se
bapā huā na koī hashr āsmānoñ meñ