Tags-Hawa

maiñ ġhubār-e-rāh-e-talab rahā huā dar-ba-dar jo chalī havā
maiñ ujaḌ ke jab huā mutma.in to vo mujh ko dil meñ basā gayā

sar-e-dahlīz pareshān-o-sarāsīma huuñ
dar muqaffal huā mujh par mirī tanhā.ī kā

hāñptī naddī meñ dam TuuTā huā thā lahr kā
vāqi.a hai ye september kī kisī sah-pahr kā

āsmāñ utrā kināroñ ko milāne ke liye
ye bhī phir dekhā ki pal TuuTā huā thā nahr kā

khīñch laa.ī hai mohabbat tire dar par mujh ko
itnī āsānī se varna kise hāsil huā maiñ

habs ta.alluqāt meñ duur na jā idhar udhar
ġhair havā nahīñ ki bas chuum liyā idhar udhar

tahzīb kī ragoñ se Tapakte lahū meñ tar
dahlīz meñ paḌā huā aḳhbār maiñ hī thā

ġham se bikhrā na pā.emāl huā
maiñ to ġham se hī be-misāl huā

diloñ meñ ḳhaak sī uḌtī hai kyā na jaane kyā
talāsh kartī hai pal pal havā na jaane kyā

tamām shahr meñ gāḌhe dhuveñ kā manzar hai
likhā huā thā yahāñ jā-ba-jā na jaane kyā

nikal gayā hai ḳhalāoñ kī samt ai 'bānī'
navāh-e-jāñ se guzartā huā na jaane kyā

dil soyā huā thā muddat se ye kaisī bashārat jaagī hai
is baar lahū meñ ḳhvāb nahīñ ta.abīr kī lazzat jaatī hai

vo bahte pāniyoñ par naqsh hogā
jo bhīgī ret par likkhā huā hai

bachā ke rakkhā hai ab tak charāġh kī lau ko
magar havā hai havā par dabāo mushkil hai

aaj bhī jis kī hai ummīd vo kal aa.e hue
in daraḳhtoñ pe zamāna huā phal aa.e hue

koī chehrā hai jo lagtā na ho murjhāyā huā
koī peshānī hai jis par na huuñ bal aa.e hue

apne andar kā shor kam to huā
ḳhāmushī meñ kitāb-ḳhāne kī

khulī fazā kā payāmī havā kā baasī hai
kahāñ vo halqa-e-dīvār-o-dar meñ rahtā hai

phir āḳhirkār ye sābit huā manzūr thā tujh ko
hamāre arsa-e-hastī ko bas bekār kar denā

nasīb apnā zarā aazmā ke dekheñge
charāġh-e-shauq havā meñ jalā ke dekheñge