Tags-Hawa

rahā na dil meñ vo bedard aur dard rahā
muqīm kaun huā hai maqām kis kā thā

ai vaqt tū kahīñ bhī kisī kā huā hai kyā
kyā tujh ko dekhnā tirī saa.at ko dekhnā

vo jo shā.erī kā sabab huā vo muāmla bhī ajab huā
maiñ ġhazal sunā.ūñ huuñ is liye ki zamāna us ko bhalā na de

shahr ke ābād sannāToñ kī vahshat dekh kar
dil ko jaane kyā huā maiñ shaam se ghar aa gayā

ham divānoñ ke liye thiiñ vus.ateñ hī vus.ateñ
ḳhatm jab sahrā huā aage samundar aa gayā

har galī kūche meñ rone kī sadā merī hai
shahr meñ jo bhī huā hai vo ḳhatā merī hai

ek TuuTī huī kashtī sā banā baiThā huuñ
na ye miTTī na ye paanī na havā merī hai

bahte paanī kī tarah mauj-e-sadā kī sūrat
sū-e-manzil haiñ ravāñ log havā kī sūrat

saañs bhī lete nahīñ kyā rāste
kyā havā bhī chup hai dīvāroñ ke beach

jahāñ saare havā banñe kī koshish kar rahe the
vahāñ bhī ham diyā banñe kī koshish kar rahe the

sab chūḌiyāñ tumhārī samundar ko sauñp diiñ
aur kar diye havā ke havāle tumhāre ḳhat

saath chaltā huā saaya apnā
ek patthar use maarā jaa.e

kitnī hasīn lagtī hai chehroñ kī ye kitāb
satroñ ke biich dekhiye phailā huā azaab

ye zindagī hai sāyoñ kā bikhrā huā kafan
dasht-e-safar hai ḳhvāb kā phailā huā sarāb

havā ke zor se jab bādbān phaTne lage
musāfir apne ḳhudāoñ ke naam raTne lage

yazīd-e-vaqt huā jis ghaḌī se taḳht-nashīñ
hamāre naam ke ḳhanjar har ik meñ baTne lage

ise charāġh kā rutba kahūñ yā ro.ab kahūñ
havā ke par mirī dahlīz par simaTne lage

taaki merī sulh-jūī ko lage kuchh bhaav bhī
har na.e fitne ko dar-parda havā detā huuñ maiñ

kin manzaroñ meñ mujh ko mahaknā thā 'āftāb'
kis regzār par huuñ maiñ aa kar khilā huā

ba-gard-e-kārvāñ dil juuñ jaras hai na.ara-zan kis kā
azīzo kam huā hai yūsuf-e-gul-pairahan kis kā