Tags-Hawa

apne 'havas' pe jab se ki tū mehrbāñ huā
jalte haiñ raat din use aġhyār dekh kar

badan ke aur havāle to sab salāmat the
magar kaTā huā baazū mujhī ko honā thā

dil ko huā hai ishq mohabbat ke daaġh se
parvāna lau lagā.e hue haiñ charāġh se

dīdār-e-ruḳh nasīb huā dil ke daaġh se
sūraj ko maiñ ne DhūñDh liyā is charāġh se

afsurda yuuñ huā dil-e-sozāñ ko uf na kī
aisā bujhā dhuāñ bhī na niklā charāġh se

ye bhī huā ki jis ne ujāḌe the ghar ke ghar
munsif ne us ko lā.eq-e-in.ām likh diyā

koī ġharīboñ ke mārne se havā bañdhī hai kisī kī zālim
agar sulaimān-e-vaqt hai to qadam na rakh mor-e-nā-tavāñ par

ġhalat hai hukm-e-jahannam kise huā hogā
ki mujh se baḌh ke to koī gunāhgār na thā

'jān' ye sābit huā hai tajrabe kī aañch par
dushmanī hai sau tarah kī dostī hai ek sī

ustuvār itnā huā rishta-e-āvāz 'akbar'
dil kī dhaḌkan ko bhī ham dost kā lahja samjhe

chashm-e-dil par kaif hai chhāyā huā
hai tasavvur meñ koī aayā huā

dil meñ hai har vaqt ik mahfil jamī
kyā huā gar maiñ kabhī tanhā huā

tere qābil to nahīñ hai ye magar
ek dil laayā huuñ maiñ TuuTā huā

zikr phir bichhḌe chaman kā chhiḌ gayā
mundamil thā zaḳhm-e-dil taaza huā

ai chaman se aane vaalo kuchh kaho
merā bhī ik āshiyāñ thā kyā huā

ab javānī kā kareñ kyā tazkira
ek afsāna sā hai bhūlā huā

kar rahā hai dil kā mātam kis liye
dil agar TuuTā tirā achchhā huā

umr guzrī aur ham dekhā kiye
zindagī kā kārvāñ luuTā huā

Thokareñ khā khā ke duniyā meñ 'habīb'
yaad aayā har sabaq bhūlā huā

havā ke dosh pe mauj-e-ajal ḳhirāmāñ hai
marīz-e-dahr pe taarī haiñ naza.a ke lamhāt