Tags-Hawa

sunā hai unheñ bhī havā lag ga.ī
havāoñ ke jo ruḳh badalte rahe

ham ko bhī chhoḌtā huā aage nikal gayā
jazboñ kā qāfila bhī baḌā tez-gām hai

ḳhizāñ ik ġham-zada bīmār aurat
havā ne chhīn lī jis kī ridā hai

havā us ko uḌā le jā kahīñ tū
ye bādal apne par phailā rahā hai

havā ab chal paḌī hai terī jānib
havā ko bādbāñ raas aa gayā hai

āmoḳhte kā jaal zabāñ se lipaT gayā
badlī havā to harf kā pāñsa palaT gayā

sad talḳhiyoñ kī shāḳh pe baiThī thī mauj-e-nīm
bargad se aa ke jhoñkā havā kā palaT gayā

apnī garmī se barishta huā husn-e-ruḳh-e-yār
lāla-rañg ātish-e-gul se hai gulistāñ merā

ishq ḳhurshīd-ruḳhoñ se jo kiyā maiñ ne junūñ
daaġh juuñ sub.h huā chāk-e-garebāñ merā

huā ai 'faiz' ma.alūm ek muddat meñ hameñ thī vo
japā karte the jis ke naam kī din-rāt simran ham

havā se sub.h-e-nā-āsūdgī achchhā kiyā tū ne
kitāb-e-zindagī ke kuchh varaq tū bhī uḌā laa.ī

kisī ne mujh se kah diyā thā zindagī pe ġhaur kar
maiñ shāḳh par khilā huā gulāb dekhtā rahā

vo gahrī niiñd soī thī maiñ niiñd se laḌā huā
so raat bhar sahāb o māhtāb dekhtā rahā

ba-juz havā ab rukegā koī na paas mere
añdherī shab meñ diyā bujhāyā to maiñ ne jaanā

havā meñ shāmil thī tishnagī us ke tan-badan kī
havā ne merā badan jalāyā to maiñ ne jaanā

kuchh na hāsil huā kisī ke ta.iiñ
ġhair faaqa badaulat-e-ramzāñ

uftād paḌī jab to huā mujh se gurezāñ
saa.e kī tarah jo bhī mire saath rahā hai

ba-rañg-e-sūrat-e-bulbul nahīñ navā-sanjī
ye kyā huā ki chup ai gulsitāñ bayān lagī

jo bhī dil ne bhuul meñ chāhā bhuul meñ jaanā ho ke rahegā
soch soch kar huā na kuchh bhī aao ab to khonā hogā