Tags-Hawa

seTh jī to ḳhuub motor meñ havā khāte phireñ
aur ham sab jūtiyāñ galiyoñ meñ chaTḳhāte phireñ

har pal maiñ taḌap kar dam-e-āḳhir huā jaatā huuñ
āshiq thā maiñ poshīda zāhir huā jaatā huuñ

is umr-e-jahālat meñ dil ḳhāna-ka.aba thā
ab ilm-o-hunar pā kar kāfir huā jaatā huuñ

ye kaise bhalā kah duuñ baḳhshā nahīñ kuchh us ne
har saañs pe maiñ us kā shākir huā jaatā huuñ

ik baar kiyā maiñ ne bas pyaar anāḌī sā
haañ pyaar ko likh likh kar māhir huā jaatā huuñ

chāragaroñ ko merī havā tak na mil sakī
chupke se koī shām-e-balā le ga.ī mujhe

maiñ raqs kartā huā bagūlā jo dasht-e-jāñ meñ bhaTkā chukā hai
ab apnī sāñsoñ kī āñdhiyoñ se bas apnī miTTī uḌā rahā huuñ

qarīb aatī har ek shai ne mirā nazriya badal diyā hai
maiñ jis ke pīchhe paḌā huā thā usī se pīchhā chhuḌā rahā huuñ

vo rabt-e-bāham nahīñ hai lekin abhī bhī rishta banā huā hai
vo mujh se duurī baḌhā rahā hai maiñ us se qurbat ghaTā rahā huuñ

'dāġh' se kah do ab na ghabrāo
kaam apnā batā huā jaane

maiñ bhī musāfir tujh ko bhī jaldī
gaaḌī kā bhī vaqt huā thā

tumheñ kyā ġham mubārak ho tumheñ rū-posh ho jaanā
huā jaatā hai afsāna mirā behosh ho jaanā

ye achchhī ibtidā kī aap ne ai hazrat-e-mūsā
dam-e-dīdār ab lāzim huā behosh ho jaanā

vo sar zaanū pe un ke vo havā zulf-e-mo.ambar kī
hameñ to hosh se baḌh kar hai yuuñ behosh ho jaanā

mauj-e-ḳhūñ sar se guzarnī thī so vo bhī guzrī
aur kyā kūcha-e-qātil kī havā chāhtī hai

jhūTī ummīd dilāne se to behtar hai 'qamar'
vahī TuuTā huā va.ada mujhe vāpas kar de

sar-e-turbat bhī ghoḌe par havā ke vo savār aa.e
qayāmat ham-ināñ aa.ī na dushman ham-rikāb aayā

jo aa.e bhī to ghoḌe par havā ke vo savār aa.e
adū bhī saath saa.e kī tarah thāme rikāb aayā

huā bint-e-inab se aqd is pīrāna-sālī meñ
mubārak ho mujhe saaqī buḌhāpe meñ shabāb aayā

ḳhvāh patjhaḌ kī hī havā ban kar
peḌ kī Daal Daal meñ utro