Tags-Hawa

do chaar ghaḌī hañs-bol ke ham barsoñ ḳhuuñ ke aañsū rote
do chaar ghaḌī bhī bazm-e-tarab meñ jī na lagā achchhā hī huā

in jaadū karne vāloñ ke kuchh bhed samajh meñ aa to ga.e
dil pyaar ke pīchhe pāgal thā nākām rahā achchhā hī huā

do ghūñT se apnī tishna-labī kyā kam hotī kyuuñ kam hotī
chhalkā huā sāġhar hāthoñ se gir kar TuuTā achchhā hī huā

har vaqt ḳhizāñ ke jhoñkoñ se Darte rahte ham bhī 'manzar'
siine meñ kabhī armānoñ kā ġhuncha na khilā achchhā hī huā

havā ke saath jo ik bosa bhejtā huuñ kabhī
to shola us badan-pāk se nikaltā hai

kuchh duā bhī to ho marīz ke naam
kab davā kā huā asar tanhā

ek muddat se adhūrā hai sarāpā apnā
gum huā jaane kahāñ bhiiḌ meñ chehra apnā

merī ġhazal meñ jaisā tarannum hai soz hai
akasr huā gumāñ ki usī kī sadā na ho

un se alag huā to yahī fikr hai 'na.īm'
un kā tapāk-o-mehr kahīñ vāqi.a na ho

vahī qatra jo kabhī kunj-e-sar-e-chashm meñ thā
ab jo phailā hai to sailāb huā jaatā hai

merā vajūd jazb huā tere jism meñ
ab mujh ko apne jism ke andar talāsh kar

ab āsmāñ se sahīfe nahīñ utarte magar
khulā huā hai dar-e-ijtihād sab ke liye

vijdān meñ vo aayā ilhām huā mujh ko
maiñ bhuul gayā us ko vo bhuul gayā mujh ko

kaisā manzar hai tire hijr ke pas-e-manzar kā
reg-e-sahrā hai ravāñ aur havā sākin hai

ain mumkin hai ki kal vaqt faqat merā ho
aaj muTThī meñ ye aayā huā pahlā din hai

mujh ko hālāt meñ uljhā huā rahne de yūñhī
maiñ tirī zulf nahīñ huuñ jo sañvar jā.ūñgā

ai sub.h kī kiran mujhe pyārī hai tū bahut
tujh se lipaT paḌūñgā agar jāgtā huā

safar meñ koī rukāvaT nahīñ gadā ke liye
khulā huā hai har ik rāsta havā ke liye

ajiib baat ki manzil kā jab bhī qasd huā
bajā.e paañv ke haath uTh ga.e duā ke liye

na samjhā gayā abr kyā dekh kar
huā thā mirī chashm-e-tar kī taraf