Tags-Hawa

kahīñ yak dasht havā chamaktī thī
shahr andhā hai abhī tak merā

ye jo tīrgī kā tilism hai yahī raushnī kā bhī ism hai
huā 'bāqar' aap ke qaul kā bhī shumār qaul-e-muhāl hai

ab manānā use mushkil hai ki ye āḳhirī pal
rūThne ke liye tayyār huā baiThā hai

huā nazzāra lekin yuuñ ki nazzāra bhī mushkil thā
jahāñ tak kaam kartī thiiñ nigāheñ tuur haa.il thā

koshish havā ne raat bhar apnī sī kī magar
zanjīr-e-dar ko maiñ ne hī hilne nahīñ diyā

'rāshid' havā se maañg ke kyuuñ sharmsār ho
jo tum ko āb-o-ātish-o-gil ne nahīñ diyā

maiñ tirī aañkh se Dhalkā huā ik aañsū huuñ
tū agar chāhe bikharne se bachā le mujh ko

sub.h se shaam huī rūThā huā baiThā huuñ
koī aisā nahīñ aa kar jo manā le mujh ko

ye umr kī hai basar kuchh ajab tavāzun se
tirā huā na hī ḳhud se nibāh maiñ ne kiyā

vo ittifāq se nazdīk aa.e haiñ lekin
ye ittifāq huā hai baḌī duāoñ ke ba.ad

maut ke saath huī hai mirī shādī so 'zafar'
umr ke āḳhirī lamhāt meñ dūlhā huā maiñ

ye ashkoñ se bhīgī huī muskurāhaT muravvat kā e.ajāz hai varna ham
ġhamoñ kī havāoñ meñ uḌtā huā dekh kar aa rahe haiñ koī pairahan

koī bhī shahr meñ khul kar na baġhal-gīr huā
maiñ bhī uktā.e hue logoñ se uktā ke milā

niiñd palkoñ ke darīche se lagī baiThī hai
sone detā hī nahīñ garm havā kā jhoñkā

ret par thak ke girā huuñ to havā pūchhtī hai
aap is dasht meñ kyuuñ aa.e the vahshat ke baġhair

kis qadar thī vo nazar ā.ina-kirdār na pūchh
is qadar chuur huā hai but-e-pindār ki bas

na jaane kitnī sham.eñ gul huiiñ kitne bujhe taare
tab ik ḳhurshīd itrātā huā bālā-e-bām aayā

us qulzum-e-gunāh meñ Duubā huā huuñ maiñ
jis meñ hai ek mauja-e-dāmān-e-tar sharāb

use maiñ shahr bhar meñ DhūñDh aayā
mire kamre meñ vo baiThā huā thā